Achos arall o wenwyno ci yn Abertawe

 

Abertawe

Llun: Jakejakegarner, CC 4.0 trwy Gomin Wicimedia

Mae achos arall o wenwyno ci wedi cael ei gofnodi yn Abertawe, yn dilyn sawl achos tebyg dros yr wythnosau diwethaf.

Ardal Picket Mead ger Newton yn y Mwmbwls sydd dan sylw’r tro hwn, yn dilyn neges Facebook gan y Cynghorydd Will Thomas.

Fe ddigwyddodd yr achosion eraill yn ardalodd Clyn a Chasllwchwr.

‘Byddwch yn ofalus’

“Fe fyddwch chi’n ymwybodol efallai fod sawl ci yng Ngerddi Clyn a Chasllwchwr wedi cael eu gwenwyno yr wythnos ddiwethaf ac wedi marw, yn drist iawn,” meddai’r cynghorydd.

“Mae’n ymddangos fod hyn wedi digwydd hefyd yn Picket Mead ddydd Gwener (Chwefror 21).

“Yn amlwg, mae wedi achosi cryn dipyn o alar i’r perchennog a’r cerddwr, a dw i’n estyn fy nghydymdeimlad iddyn nhw.

“Fe wnaeth warden cŵn y cyngor ymweld â’r Mead (a safleoedd eraill) ond wnaeth e ddim dod o hyd i wenwyn, ond mae e wedi dod o hyd i ffoil tun wedi’i wasgaru o amgylch yr ardal ac yn credu y gall fod wedi cael ei ddefnyddio i osod cig â gwenwyn arno.

“Dw i’n sicr y bydd pawb yn Newton a’r Mwmbwls wedi cael cymaint o sioc â fi ynghylch y drosedd neu ddamwain ofnadwy hon.

“Os ydych chi’n gweld unrhyw beth amheus, plis rhowch wybod i’r heddlu a byddwch yn fwy gofalus nag arfer wrth gerdded eich cŵn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones