£1.4 miliwn i fynd i’r afael ag unigrwydd o fewn y gymuned

 

Llun: CC0

Bydd strategaeth newydd gan Lywodraeth Cymru i daclo unigrwydd a theimlo’n ynysig o fewn y gymuned yn derbyn cyllid o £1.4 miliwn dros y dair mlynedd nesaf.

 Mae Julie Morgan, Dirprwy Weinidog Iechyd a Gwasanaethau Cymdeithasol, yn lansio ‘Cymunedau Cysylltiedig: strategaeth ar gyfer mynd i’r afael ag unigrwydd ac ynysigrwydd cymdeithasol a chreu cysylltiadau cymdeithasol cryfach’ heddiw (dydd Mawrth, Chwefror 11) – y cyntaf o’i fath yng Nghymru.

Mi fydd yn derbyn £1.4 miliwn o gefnogaeth gan y gronfa unigrwydd ac ynysigrwydd cymdeithasol dros y tair blynedd nesaf.

Bydd sefydliadau yn ymgeisio am gyfran o’r gronfa i ddarparu ac arbrofi gyda dulliau gwahanol o ddelio gydag unigrwydd ac ynysigrwydd cymdeithasol.

Fe fydd y strategaeth newydd yn canolbwyntio ar:

  • Rhoi mwy o gyfleon i bobl ddod i gysylltiad ag eraill
  • Gwella seilwaith cymunedol- mae hyn yn cynnwys cynllunio, tai a thrafnidiaeth
  • Cymunedau cefnogol, gan nodi rhai o’r meysydd lle mae Llywodraeth Cymru yn cymryd camau eisoes
  • Meithrin ymwybyddiaeth a hybu agweddau cadarnhaol, gan gynnwys sut y bydd Llywodraeth Cymru yn codi proffil unigrwydd ac ynysigrwydd cymdeithasol ac yn lleihau stigma.

Yn ôl arolwg cenedlaethol i Gymru a wnaed gan Lywodraeth Cymru yn 2017-2018, dywedodd 16% o’r boblogaeth dros 16 oed eu bod yn teimlo’n unig, gyda phobl ifanc yn fwy tebygol o ddweud eu bod yn teimlo’n unig na phobl hŷn.

“Mae unigrwydd ac ynysigrwydd yn deimladau all ein heffeithio ni ar unrhyw oedran ac mwn unrhyw gyfnod yn ein bywydau. O berson ifanc yn symud i brifysgol neu berson hŷn yn gofalu am anwyliaid,” meddai Julie Morgan.

“Er na fedr y Llywodraeth ddatrys y materion yma ar ei phen ei hun, gallwn helpu i feithrin yr amgylchiadau cywir fel bod cysylltiadau o fewn ein cymunedau yn ffynnu.

“Mae angen newid y ffordd yr ydym yn meddwl am unigrwydd ac ynysigrwydd o fewn y llywodraeth, gwasanaethau cyhoeddus, busnesau, cymunedau ac fel unigolion er mwyn taclo’r broblem.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones