Dyn yn y llys wedi’i gyhuddo o lofruddio Gerald Corrigan â bwa saeth ym Môn

Diweddarwyd am  

Gerald Corrigan: Llun teulu

Llun y teulu drwy law Heddlu’r Gogledd

Fe fydd dyn 39 oed yn mynd gerbron llys heddiw (dydd Mawrth, Ionawr 21), wedi’i gyhuddo o lofruddio dyn 74 oed â bwa saeth ym Môn.

Mae Terence Whall yn mynd gerbron Llys y Goron yr Wyddgrug i wynebu cyhuddiad ei fod e wedi llofruddio’r cyn-ddarlithydd Gerald Corrigan yn ei gartref ar Ebrill 19 y llynedd.

Cafodd ei saethu â bwa saeth wrth iddo symud disgl lloeren ar do ei gartref ger Caergybi.

Mae Terence Whall hefyd wedi’i gyhuddo o gynllwynio â Darren Jones, 41, Martin Roberts, 34, a Gavin Jones, 36, i wyrdroi cwrs cyfiawnder.

Mae’r pedwar wedi’u cyhuddo o roi Land Rover Discovery ar dân ar Fehefin 3.

Mae’r pedwar yn gwadu’r cyhuddiadau yn eu herbyn.

Cafodd Gerald Corrigan ei daro yn rhan ucha’i gorff ac fe ddaeth y saeth o fewn trwch blewyn i daro’i galon a’i fraich dde.

Bu farw yn yr ysbyty ar Fai 11.

Bu’n gweithio fel darlithydd ffotograffeg a fideo cyn symud i Ynys Môn ar ôl ymddeol dros 20 mlynedd yn ôl.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones