Gweithiwr elusen Abertawe’n ennill statws ffoadur

Diweddarwyd  
Otis Bolamu

Otis Bolamu

Llun oddi ar wefan change.org

lMae gweithiwr elusen Oxfam yn Abertawe wedi ennill statws ffoadur, sy’n golygu na fydd yn rhaid iddo ddychwelyd i’r Congo.

Roedd disgwyl y byddai’n rhaid i Otis Bolamu ddychwelyd i’w famwlad dros y Nadolig ar ôl cael ei gadw yn y ddalfa yn Lloegr.

Ond cafodd ei ryddhau ddiwedd yr wythnos ddiwethaf er mwyn clywed canlyniad ei apêl.

Yn ôl y dyn 38 oed, fe wnaeth e ffoi o’r Congo yn 2017 ar ôl cael ei amau o ysbïo ar ran un o wrthbleidiau’r wlad.

Cafodd ei lusgo o’r gwely yn ei gartref yn Abertawe gan swyddogion mewnfudo ar Ragfyr 19, a’i gludo i ganolfan gadw yn Gatwick.

Cafodd ei gadw yn y ddalfa dros y Nadolig gan nad oedd staff y Swyddfa Gartref na chyfreithwyr ar gael i ymdrin â’r achos tan y flwyddyn newydd.

Ond fe ddenodd deiseb fwy na 12,000 o lofnodion, ac fe gafodd e ganiatâd i ddychwelyd i Abertawe dros dro cyn ei apêl.

‘Gwahaniaeth mawr’

Ar ôl clywed ddiwedd yr wythnos ddiwethaf y byddai’n cael dychwelyd i Abertawe, dywedodd ei gyfreithiwr Jamie Bell fod yr ymgyrch wedi gwneud “gwahaniaeth mawr” yn ei frwydr i gael aros yn y ddinas.

“Rydym wrth ein boddau fod Otis wedi mynd adref ar ôl cael ei ryddhau o’r ddalfa,” media.

“Mae Otis wedi cael cefnogaeth anhygoel gan gynifer o bobol yng nghymuned Abertawe ac fe roddodd hyn obaith iddo pan oedd e’n teimlo ar goll.

“Mae’r deisebau, y protestiadau a’r gefnogaeth wleidyddol gan wleidyddion Cymru wedi gwneud gwahaniaeth go iawn wrth atal yr anghyfiawnder hwn rhag digwydd.”

Helynt yn y Congo

Daw’r newyddion am apêl Otis Bolamu wrth i’r Congo ethol Felix Tshisekedi yn arlywydd. 

Ond mae arweinydd yr wrthblaid, Martin Fayulu, yn honni bod y canlyniad yn un ffug a thwyllodrus, gan gyhuddo’r cyn-arlywydd Joseph Kabila o ddod i gytundeb â’r arlywydd newydd.

Mae’r honiadau’n golygu bod pryderon y gall fod rhagor o drais yn y wlad.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones