Chwilio am awdur llythyr wrth ymchwilio i ddiflaniad Jordan Moray

 
Logo Heddlu'r De yn siap helmed

Logo Heddlu De Cymru

Llun: Flickr Heddlu’r De

Mae’r heddlu sy’n ymchwilio i ddiflaniad Jordan Moray o Aberdâr dri mis yn ôl yn chwilio am awdur llythyr.

Fe wnaeth Kevin Humphreys ysgrifennu llythyr at yr heddlu’n ddiweddar yn cynnig gwybodaeth a allai eu helpu gyda’r ymchwiliad.

Ond dydy’r heddlu ddim wedi gallu dod o hyd iddo hyd yn hyn.

Cefndir

Does neb wedi gweld Jordan Moray ers Gorffennaf 24, ac fe aeth ei deulu at yr heddlu ar Awst 2.

Roedd aelodau’r teulu wedi bod i’w fflat, oedd wedi cael ei adael ar agor, a chyfrifiadur ymlaen.

Roedd ei ffôn symudol hefyd yn y fflat.

Dywedodd ffrind ei fod wedi gweld Jordan Moray yn ardal Cwmbach ar Orffennaf 29.

Mae’r ymchwiliad yn un heriol i’r heddlu am fod Jordan Moray yn hoff iawn o fynd i gerdded yn yr awyr agored, ac fe fyddai’n galw am chwilio ardal eang o dir, hyd at Aberhonddu o bosib.

Mae lle i gredu ei fod e’n dueddol o gerdded hyd at 20 milltir y dydd, ac weithiau ar lonydd diarffordd.

Dylai unrhyw un â gwybodaeth gysylltu â’r heddlu ar 101.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones