Dyn yn ddieuog o lofruddio ei wraig mewn siop sglodion

Diweddarwyd  
Mavis Bran, fu farw ar ol cael ei llosgi mewn siop sglodion yn Hermon, Sir Gaerfyrddin

Mavis Bran, fu farw ar ol cael ei llosgi mewn siop sglodion yn Hermon, Sir Gaerfyrddin

Llun: Trwy law Heddlu Dyfed Powys

Yn Llys y Goron Abertawe mae dyn wedi’i gael yn ddieuog o lofruddio ei wraig ar ôl cael ei gyhuddo o’i llosgi gydag olew berwedig yn dilyn ffrae yn eu siop sglodion.

Roedd Geoffrey Bran, 71, wedi’i gyhuddo o daflu ffriwr olew at Mavis Bran, gan ei gadael gyda llosgiadau difrifol ar Hydref 23 y llynedd. Bu farw yn Ysbyty Treforys yn Abertawe chwe diwrnod yn ddiweddarach.

Cyn iddi farw, dywedodd Mavis Bran wrth ffrind a pharafeddygon bod ei gwr wedi ymosod arni am ei bod hi wedi bod yn “gegog” gydag e yn eu siop Chipoteria yn Hermon, Sir Gaerfyrddin.

Ond roedd y rheithgor wedi ei gael yn ddieuog o lofruddiaeth a’r cyhuddiad llai o ddynladdiad yn dilyn yr achos yn Llys y Goron Abertawe.

Roedd Geoffrey Bran yn ei ddagrau pan gafodd y dyfarniad ei gyhoeddi.

Cafodd ei arestio ar amheuaeth o ymosod i ddechrau ond roedd wedi gwadu hynny. Dywedodd wrth yr heddlu bod ei wraig wedi llithro a bod y ffriwr wedi mynd drosti.

Roedd y cwpl yn berchen ar tua 10 o fusnesau yn ne Cymru a chlywodd y llys bod y pwysau ariannol yn aml wedi arwain at ffraeo rhwng y ddau.

Roedd Geoffrey Bran wedi dweud bod ei wraig wedi bod yn yfed gwin coch ar y diwrnod y cafodd ei llosgi a’i bod wedi “drysu” pan ddywedodd mai fe oedd yn gyfrifol am ymosod arni gyda’r ffriwr.

Cafodd Geoffrey Bran ei ryddhau gan y barnwr Paul Thomas QC ac mae llefarydd ar ran y teulu wedi gwneud datganiad yn gofyn am gael “parhau gyda’u bywydau a galaru’n iawn heb ymyrraeth bellach.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones