Teyrngedau i Ellie Bryan, 18, ar ôl gwrthdrawiad Comins Coch

 
Ellie Bryan, fu farw mewn gwrthdrawiad yn Comins Coch ger Aberystwyth

Ellie Bryan, fu farw mewn gwrthdrawiad yn Comins Coch ger Aberystwyth

Llun: Trwy law Heddlu Dyfed Powys

Mae teyrngedau wedi’u rhoi i Ellie Bryan, y ddynes 18 oed a fu farw yn dilyn gwrthdrawiad yn ardal Comins Coch ger Aberystwyth nos Sadwrn (Tachwedd 16).

Roedd hi’n teithio mewn car Vauxhall Astra oedd mewn gwrthdrawiad â char arall.

Mae gyrrwr y car roedd hi’n teithio ynddo mewn cyflwr difrifol yn yr ysbyty, ac fe ddaeth i’r amlwg bellach fod trydydd car ynghlwm wrth y digwyddiad hefyd.

Mae dynes 18 oed wedi’i harestio ar amheuaeth o achosi marwolaeth drwy yrru’n beryglus.

“Rydym yn torri’n calonnau o golli Ellie,” meddai ei theulu mewn datganiad.

“Byddwn ni i gyd yn gweld ei heisiau hi. Roedd Ellie yn ferch, chwaer ac wyres gariadus.

“Hoffem ddiolch i bawb am eu cefnogaeth ar yr adeg dorcalonnus hon. Byddem yn gwerthfawrogi cael amser i alaru’n breifat.”

Mae Heddlu Dyfed-Powys yn apelio am wybodaeth.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones