Pwy fydd yr Ysgrifennydd Cymru nesaf? Yr enwau posib…

 

David T C Davies

Llun: Chris McAndrew CC 3.0 trwy Comin Wicimedia

Mae nifer o enwau wedi’u crybwyll ar gyfer swydd Ysgrifennydd Cymru yn dilyn ymddiswyddiad Alun Cairns heddiw (dydd Mercher, Tachwedd 6).

Dau sydd yn debygol o fod yn y ras – David T C Davies a Simon Hart.

Ar hyn o bryd, mae gan y Ceidwadwyr chwech Aelod Seneddol o Gymru yn San Steffan, ond fe allai hynny i gyd newid ar ôl yr etholiad cyffredinol ar Ragfyr 12.

Mae Glyn Davies eisoes yn camu o’r neilltu, ac mae Stephen Crabb a David Jones wedi gwneud y swydd yn y gorffennol.

Os nad yw’r Ceidwadwyr am droi’n ôl at un ohonyn nhw, dim ond David TC Davies (Mynwy) a Simon Hart (Gorllewin Caerfyrddin a De Penfro) o blith yr aelodau seneddol cyfredol sy’n weddill. Hynny yw, os yw Boris Johnson am ddewis Aelod o Gymru i wneud y gwaith. Dyw hynny byth yn sicrwydd.

Ond mae’n werth cadw llygad ar etholaeth Gŵyr, lle mae Tonia Antoniazzi, yr aelod seneddol Llafur, yn debygol o wynebu her sylweddol am ei sedd gan Francesca O’Brien – ond mae honno dan y lach hefyd yn dilyn sylwadau amheus am bobol sy’n derbyn budd-daliadau.

A’r cwestiwn mwyaf, o bosib: ai’r Ceidwadwyr fydd mewn grym yn San Steffan ar ôl Rhagfyr 12?

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones