Ymgyrchwyr yn cyhuddo Comisiynydd o “dro pedol anghredadwy” Wrecsam

Diweddarwyd  

Aled Roberts, Comsiynydd y Gymraeg

Mae Cymdeithas yr Iaith yn honni bod ‘tro pedol’ Comisiynydd y Gymraeg i beidio â dirwyo Cyngor Wrecsam yn “gwanhau’r system o warchod hawliau iaith”.

Mewn adroddiad ar Fedi 23, nododd y Comisiynydd fod methiant y Cyngor i ddarparu gohebiaeth trethi yn gywir yn y Gymraeg yn effeithio yn negyddol ar drigolion y sir, trwy ddweud “fod [y Cyngor] wedi methu â chydymffurfio â safon 6, byddaf yn gosod cosb sifil”.

Yn ddiweddarach, dywedodd Swyddfa’r Comisiynydd taw ‘camgymeriad’ oedd y sôn gwreiddiol am osod cosb sifil.

Ond mae Cymdeithas yr Iaith Gymraeg yn honni mai enghraifft o’r Comisiynydd newydd yn ceisio gwanhau’r system o warchod hawliau iaith yw’r ‘tro pedol’ hwn ynghylch cosbi’r Cyngor.

“Mae’n destun pryder mawr bod llai a llai o gwynion yn destunau ymchwiliad statudol,” meddai Bethan Ruth Roberts, Cadeirydd y Gymdeithas

“Mae gwrthod agor ymchwiliadau i gymaint o gwynion yn gwanhau ein hawliau iaith.

“Heb ymchwiliadau i gwynion, does dim modd gorfodi unrhyw newid i bolisi neu arferion sefydliad. Felly, drwy ymddwyn fel hyn, bydd cyrff yn cael y neges ei bod yn iawn iddyn nhw anwybyddu’r gyfraith.”

Ymateb swyddfa Comisiynydd y Gymraeg

““Ni chafodd y bwriad o osod cosb sifil ei argymell na’i drafod gyda’r Comisiynydd wrth gyflwyno’r adroddiad arfaethedig iddo ei ystyried.

“Fel eglurwyd wrth yr achwynydd mewn llythyr… camgymeriad gweinyddol oedd cynnwys cymal am gosb sifil mewn un rhan o’r adroddiad.

“Mae’n ddrwg gennym am y camgymeriad gweinyddol hwn; a byddwn yn cymryd camau i sicrhau na fydd yn digwydd eto. Gwarchod hawliau siaradwyr Cymraeg yw ein blaenoriaeth.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones