Cymro alltud: “Mae Ewrop yn chwerthin am ein pennau ni”

Diweddarwyd  

John Morgan, Fienna

Llun oddi ar ei dudalen Facebook

Mae Brexit wedi troi’r Deyrnas Unedig yn destun sbort i weddill Ewrop, yn ôl Cymro sy’n byw yn Awstria ers dros ddeugain mlynedd.

Yn wreiddiol o Gastell Newydd Emlyn, mae John Morgan yn byw yn ninas Fienna, a bellach mae’n ystyried cefnu ar ei ddinasyddiaeth Brydeinig.

Yn siarad y llynedd dywedodd nad oedd yn disgwyl i Brexit ddigwydd – ac mae’n dal i gredu hynny.

Dyw e ddim yn credu bod Ewrop yn dal dig yn erbyn gwledydd Prydain am bleidleisio tros adael, ond mae’n credu ei bod yn cael ei thrin yn jôc mwyach. 

“Yr unig sylw mae’n ei gael yw mae pob un yn jocan obeutu e,” meddai wrth golwg360

“Ar y cyfandir i gyd mae pobol yn chwerthin pan mae’n clywed fy mod i’n dod o Brydain Fawr. Chwerthin maen nhw am ein pennau ni.”

Pasborts a theiars

Mae John Morgan wedi treulio’r rhan fwyaf o’i oes yn gweithio ym maes teiars ac mae’n dal i deithio tipyn o amgylch Ewrop yn ymgynghori. 

Mae’n dweud ei fod wedi cael trafferth wrth drefnu fisa i Rwsia gan fod swyddogion wedi pryderu y gallai Brexit ddigwydd tra’i fod yno, ond bellach mae wedi derbyn y fisa hwnnw. 

Dim ond dinasyddiaeth Brydeinig sydd ganddo ar hyn o bryd, ond os bydd Brexit yn digwydd mae’n dweud y byddai’n ceisio am ddinasyddiaeth Awstraidd neu Lwcsembergaidd.

“Os fydda’ i’n cael unrhyw rwystr o gario pasbort Prydeinig mi fydda’ i’n cael gwared arno fe. Dw i wedi cael llond bola!” meddai.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones