Ffatri darnau ceir Port Talbot yn bwriadu cau

Diweddarwyd am  

Ffatri cynhyrchu ceir

Llun: CC0

Bydd 125 o bobol ym Mhort Talbot yn colli eu swyddi ymhen dwy flynedd wedi i gwmni darnau ceir yn yr ardal gyhoeddi ei fwriad i gau.

Mae cwmni Hi-Lex Cable System yn arbenigo mewn cynhyrchu ffenestri a drysau ceir ar gyfer gwahanol gwmnïau, gan gynnwys Ford a Honda.

Mewn llythyr a anfonwyd at gwsmeriaid ddechrau’r wythnos, dywedodd y cwmni fod y gwaith yn dod i ben yn ne Cymru yn 2021 oherwydd “gostyngiad sylweddol mewn gwerthiant”.

Cafodd y penderfyniad ei wneud gan gyfarwyddwyr y rhiant-gwmni, Hi-Lex Corporation, yn Japan, ac mae’n rhan o fwriad ehangach i ailstrwythuro busnes y cwmni yn Ewrop.

Bydd unrhyw waith sy’n weddill ar y safle ym Mhort Talbot yn 2021 yn symud i Hwngari, medden nhw wedyn.

Mae rheolwr y safle, Adam Glaznieks, yn dweud bod staff wedi cael eu hysbysu am y penderfyniad ddydd Llun (Hydref 14). 

Dyw e ddim yn disgwyl gweld unrhyw un yn colli gwaith o fewn y flwyddyn nesaf, meddai wedyn.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones