Swigen oren yr iaith Gymraeg yn ysbrydoli siaradwyr Gaeleg yr Alban

Diweddarwyd am  

Logo ‘Iaith Gwaith’

Mae’r Bòrd na Gàidhlig (Bwrdd yr Iaith Aeleg yn yr Alban) wedi lansio ymgyrch newydd i annog siaradwyr Gaeleg i roi gwybod i bobol eu bod yn gallu siarad yr iaith.

Mae’r ymgyrch wedi ei hysbrydoli gan y cynllun ‘Iaith Gwaith’ yng Nghymru, sy’n annog siaradwyr Cymraeg i wisgo’r swigen oren i ddangos i gwsmeriaid eu bod yn gallu siarad Cymraeg.

Mae siaradwyr a dysgwyr Gaeleg yn cael eu hannog i ddefnyddio’r hashnod #cleachdi – neu #useit – gyda’r hashnod #gaidhlig (sef Gaeleg) wrth siarad gyda’i gilydd – ar gyfryngau cymdeithasol, e-bost neu wefannau.

Maen nhw hefyd yn cael eu hannog i wisgo cortyn gwddf, bathodyn neu sticer gyda swigen siarad gwyrddlas arni, i ddangos i’r byd eu bod yn falch o allu siarad yr iaith.

“Rydyn ni’n falch iawn o fod yn lansio’r cynllun hwn yn ystod ein digwyddiad cenedlaethol Gaeleg, y Royal Mòd,” meddai Shona MacLennan, Prif Weithredwr y Bòrd na Gàidhlig.

“Mae mwy a mwy o bobol eisiau defnyddio a dysgu’r Aeleg ac mae’r cynllun hwn yn ffordd hawdd iawn o annog pobol i ddefnyddio’r Aeleg mewn mwy o lefydd. Mae’n wych ein bod yn gallu edrych ar sut mae ein cyd-Geltaid yn hyrwyddo eu iaith a dilyn eu harweiniad hwy gyda’r ymgyrch yma.

“Byddwn ni yn sicr yn y Bòrd na Gàidhlig yn falch iawn o ymuno yn yr ymgyrch hon i ddangos ein balchder o allu siarad yr iaith ac adnabod pobol eraill all ei siarad.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones