Rhagor o law ar ei ffordd ddydd Llun, wedi penwythnos gwlyb

Diweddarwyd  

Llun: CC0

Mae rhagor o law ar ei ffordd ddydd Llun (Medi 30) ar ôl penwythnos o gawodydd trwm sydd wedi achosi llifogydd a thirlithriadau mewn rhannau o Gymru.

Mae’r glaw trwm wedi achosi trafferthion i deithwyr hefyd gyda bysys yn lle trenau rhwng y Drenewydd a Machynlleth bore ma.

Mae Cyfoeth Naturiol Cymru wedi cyhoeddi 10 rhybudd am lifogydd, yn bennaf yn y de a’r gorllewin gan gynnwys Talacharn, Aber Wysg, Afon Tywi, ac Aber Gwy.

Mae 22 rhybudd am lifogydd posib hefyd mewn grym.

Tirlithriad

Mae Cyngor Sir Powys yn dweud y bydd yr A490 ger Cegidfa ar gau am gryn amser wedi tirlithriad i’r ffordd fawr yno.

Digwyddodd y tirlithriad ger Parc Gwyliau Valley View, Pentre’r Beirdd ddydd Sul ar ôl oriau o law trwm, gan gau’r ffordd rhwng Y Trallwng a’r A495.  Mae gwyriadau traffig mewn lle.

Dywedodd llefarydd ar ran Cyngor Sir Powys: “Mae tua 100 tunnell o bridd, cerrig a choed wedi llithro i’r ffordd fawr ac mae peirianwyr priffyrdd wrthi’n asesu’r safle.

“Rydym yn gweithio gyda Pharc Gwyliau Valley View, ond mae’n debygol y bydd y ffordd ar gau am dipyn.  Fe wnawn roi gwybod i drigolion a gyrwyr pan ddaw mwy o wybodaeth i law.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer