Ffrae merlod a chobiau Cymreig: ymddiriedolwyr yn goroesi pleidlais

 

Llun CC0

ae naw o ymddiriedolwyr Cymdeithas y Merlod a’r Cobiau Cymreig wedi llwyddo i oroesi ymgais i’w disodli mewn cyfarfod yn Llanelwedd neithiwr (nos Fercher, Hydref 18).

Fe gafodd y cyfarfod arbennig ei gynnal yn sgil ffrae fawr o fewn y gymdeithas hanesyddol a gafodd ei sefydlu yn 1901 ac sydd â dros 5,000 o aelodau ledled y byd.

Ymhlith cwynion rhai o’r aelodau oedd diffyg tryloywder o fewn y gymdeithas, prosesau disgyblu ddim yn cael eu dilyn, a gostyngiad yn yr aelodaeth.

Y naw

Mae golwg360 yn deall i o leiaf 5% o aelodau’r gymdeithas arwyddo deiseb er mwyn sicrhau’r cyfarfod neithiwr.

Mae gan y gymdeithas 14 o ymddiriedolwyr ac roedd y naw canlynol yn wynebu colli eu swydd mewn pleidlais:

· Miss D Chambers;

· Mr RJ Davies;

· Mr WG Davies;

· Mr JE Evans;

· Mr GDJ Jones;

· Mr GW Jones;

· Mr DD Morgan;

· Mr DO Roberts;

· Mr C Thomas. Wrth siarad a golwg360 yr wythnos ddiwethaf, dywedodd un o’r ymddiriedolwyr uchod a chadeirydd y cyngor, Colin Thomas, fod y ffrae ddiweddar wedi costio “llwythi o arian” i’r gymdeithas yn dilyn cyfres o gyfarfodydd yn ystod y misoedd diwethaf.

Roedd hefyd yn disgrifio’r rhai oedd yn ceisio ei ddisodli ef a’i gyd-aelodau fel “lleiafrif bychain”.

Meirion Davies

Yn ddiweddar, daeth y cyhoeddiad bod y cyn-actor a chyn-bennaeth adran gyhoeddi Gwasg Gomer, Meirion Davies, wedi cael ei benodi’n Ysgrifennydd y gymdeithas.

Mae’r dyn sy’n enwog am bortreadu ‘Y Ddau Frank’ ochr yn ochr â’r actor Rhys Ifanc yn yr 1990au, wedi bod yn aelod o’r gymdeithas ers yn saith oed ac yn fridiwr ceffylau o fri.

Mae disgwyl iddo ddechrau yn ei swydd newydd ar ddechrau mis Hydref.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones