Sawl tân bach mewn adeilad hanesyddol yn Abertawe

 
Tân, Theatr y Palace AbertaweAlun Rhys Chivers / golwg360

Y gwasanaethau brys y tu allan i Theatr y Palace, Abertawe

Mae’r adeilad yn un hanesyddol yn y ddinas

Fe fu’r gwasanaeth tân yn ymdrin â sawl tân bach mewn adeilad hanesyddol yn Abertawe neithiwr (nos Sul, Medi 8).

Cawson nhw eu galw i Theatr y Palace ar y Stryd Fawr toc cyn 7 o’r gloch yn dilyn adroddiadau bod mwg yn dod o’r to a nifer o ffenestri ar y llawr gwaelod a’r pedwerydd llawr.

Fe fu’r heddlu a’r gwasanaeth ambiwlans ar y safle am rai oriau, ac fe fu’n rhaid cau sawl heol yn yr ardal, ond chafodd neb ei anafu yn y digwyddiad.

Roedd y tanau dan reolaeth erbyn tua 9.20yh.

Hanes yr adeilad

Agorodd y theatr ei drysau am y tro cyntaf yn 1888 fel neuadd gerddoriaeth (music hall), ac mae’n un o ddim ond dwy neuadd gerddoriaeth bwrpasol sy’n dal yn sefyll yng ngwledydd Prydain.

Ymhlith ei pherfformwyr cyntaf roedd Charlie Chaplin, Marie Lloyd a Lilly Langtry.

Fe ddaeth yn theatr draddodiadol yn y 1920au, ac yn sinema yn ystod y 1930au.

Yn y 1960au, ar lwyfan y theatr hon y perfformiodd Anthony Hopkins am y tro cyntaf, ac roedd Ken Dodd a Morecambe and Wise ymhlith ei pherfformwyr olaf cyn iddi ddod yn glwb nos erbyn y 1970au.

Cynnal a chadw’r adeilad

Dros y blynyddoedd diwethaf, fe fu ymdrechion i adfer yr adeilad rhestredig ond fe fu pryderon ers 2013 y byddai’r gwaith yn rhy gostus.

Roedd adroddiadau y gallai gostio hyd at £1m i’w gwblhau.

Yn fwyaf diweddar, fe fu cryn drafod am ymddygiad gwrth-gymdeithasol yr ardal, ac mae’r theatr yn wynebu dyfodol ansicr.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones