Ymddiswyddiad pennaeth bwrdd iechyd “ddim yn syndod”

 
Logo Bwrdd iechyd/Y Gwasanaeth Iechyd (GIG)

Bwrdd iechyd

Llun: Bwrdd iechyd/Y Gwasanaeth Iechyd (GIG)

Mae’r ymateb yn parhau i’r cyhoeddiad bod Prif Weithredwr Bwrdd Iechyd Prifysgol Cwm Taf Morgannwg wedi ymddiswyddo.

Fe ddaeth cadarnhad ddoe (dydd Iau, Awst 22) fod Allison Williams wedi camu o’r neilltu ar Awst 20 wedi wyth mlynedd yn y swydd.

Roedd hi wedi bod ar “gyfnod estynedig o absenoldeb salwch” ers mis Mehefin.

Fe ddaeth hynny wedi i wasanaethau mamolaeth y bwrdd iechyd gael eu rhoi dan fesurau arbennig yn dilyn nifer o achosion difrifol yn Ysbyty Brenhinol Morgannwg ger Llantrisant ac Ysbyty’r Tywysog Charles ym Merthyr Tudful.

Roedd y rhain yn cynnwys wyth achos o fabanod yn cael eu geni’n farw, ynghyd â phum achos o fabanod yn marw yn fuan wedi genedigaeth. Fe ddigwyddodd yr achosion hynny rhwng Ionawr 2016 a Medi 2018.

Yr ymateb

Mae cadeirydd y bwrdd iechyd, yr Athro Marcus Longley, wedi diolch i Allison Williams am “ei hymroddiad i’r sefydliad dros y deng mlynedd diwethaf a dymunaf yn dda iddi yn y dyfodol”.

Yn ôl yr Aelod Cynulliad tros Ganol De Cymru, Andrew RT Davies, dyw’r newyddion “ddim yn syndod o ystyried y sgandal mamolaeth ddiweddar”.

“O ystyried yr amgylchiadau, fe fyddai’n amhriodol cytuno ar unrhyw drefniant o ran tâl tra bo ymholiadau’n cael eu cynnal, a dw i’n gobeithio y bydd y prif weithredwr newydd yn parhau i gynorthwyo’r ymchwiliadau,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer