Michael Gove yn addo rhoi £1.7m i borthladdoedd Cymru

Diweddarwyd  

Michael Gove

Llun: Chris McAndrew CC 3.0 trwy Commons Wicimedia

Ni ddylai fod oedi mawr mewn porthladdoedd gwledydd Prydain wedi Brexit, “os ydyn ni’n gwneud y peth iawn,” meddai Michael Gove.

Roedd y gweinidog sy’n gyfrifol am baratoi ar gyfer Brexit dim cytundeb yn ymweld â phorthladd Caergybi heddiw (dydd Mercher, Awst 21)

Daeth yno i gyhoeddi y bydd £1.7m yn cael ei rannu rhwng holl borthladdoedd Cymru, yr Alban a Gogledd Iwerddon er mwyn paratoi ar gyfer Brexit.

Lleddfu ofnau

Mae Michael Gove wedi wfftio pryderon y gallai gadael yr Undeb Ewropeaidd heb gytundeb achosi “anrhefn llwyr” mewn porthladdoedd, gan ddweud mai dyna’r senario “gwaethaf posib”.

“Os ydym ni’n gwneud y peth iawn, dw i’n hyderus y gallwn ni ar Hydref 31 sicrhau bod nwyddau yn llifo i mewn ac allan o borthladdoedd fel Caergybi heb unrhyw oedi sylweddol,” meddai wrth y gwasanaeth newyddion, Press Association.

“Mae yna nifer fawr o senarios. Mae yna’r senario gwaethaf posib, ac rydym ni’n gwneud ein gorau i leihau’r peryg o’r senario hwnnw yn datblygu.”

Ychwanega y bydd ei lywodraeth yn ceisio sicrhau bod gan fasnachwyr yr holl wybodaeth a’r systemau sydd eu hangen er mwyn medru allforio wedi Brexit.

Ffyddiog am gytundeb newydd

Yn ystod ei ymweliad â Chaergybi, fe gafodd Michael Gove ei arwain o gwmpas y porthladd yno, cyn ymweld â safle cwmni Gwynedd Shipping a chyfarfod ag arweinwyr cynghorau’r gogledd.

Daeth ei ymweliad ar yr un diwrnod â phan mae Boris Johnson yn Ewrop yn cyfarfod â Changhellor yr Almaen, Angela Merkel.

Dywedodd Michael Gove ei fod yn ffyddiog y gallai cytundeb Brexit newydd gael ei ffurfio.

“Rydym ni am wneud ein gorau er mwyn sicrhau cytundeb, ac mae Boris yn ymweld ag Angela Merkel ac Emmanuel Macron er mwyn gweld os oes yna symud ar ochr yr Ewropeaid,” meddai.

“Ond, hyd yn hyn, dydyn ni ddim wedi gweld unrhyw newid safbwynt gan yr Undeb Ewropeaidd na’i harweinwyr, felly mae’n rhaid inni baratoi’n synhwyrol rhag ofn na fydd yna gytundeb.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer