Dewis Tesco i Aberystwyth

Fe fydd siop Tesco anferth yn cael ei chodi yng nghanol Aberystwyth, er gwaetha’ gwrthwynebiad gan rai pobol leol.

Mae Cyngor Ceredigion wedi cyhoeddi fod datblygwr wedi ei ddewis ar gyfer datblygiad mawr o siopau a llefydd parcio.

Mae’r cynnig a enillodd y broses dendro yn cynnwys siop Tesco, gyda 25,000 o droedfeddi sgwâr ar gyfer bwyd a 12,000 o droedfeddi sgwâr ar gyfer nwyddau eraill.

Fe fydd y Cyngor yn cael rheoli 134 o lefydd parcio a 366 o lefydd parcio eraill yn nwylo Tesco.

Swyddi

Mae’r Cyngor yn honni y bydd y datblygiad, gan gwmni Chelverton Deeley Freed, yn arwain at greu mwy na 200 o swyddi llawn amser o fewn blwyddyn.

Tan hyn, does dim siop Tesco wedi bod hyd lannau’r gorllewin, rhwng Aberteifi a Phorthmadog.

Mae’r cyngor hefyd yn dweud bod Siambr Fasnach Aberystwyth yn cefnogi’r cynllun.

31 sylw

C Morgan 13 Hydref 2011, 11:55

Enghraifft arall o dwpdra ein cynghorau lleol. Diffyg gweledigaeth a phlygu i’r bwystfil mawr yn ôl yr arfer.
Beth sydd heb ei adrodd yn y stori yma yw y bydd rhaid dymchwel stryd o dai a neuadd gymunedol er mwyn gwneud lle i Tesco gyda’r cyngor am wneud Compulsory Purchase Orders ar gartrefi pobl.
Yn ogystal, “200 o swyddi llawn amser”. Pryd fydd pobl yn deall nad yw swyddi mewn llefydd fel Tesco o unrhyw fudd i economi leol!? Iawn, mae’r unigolion yn ennill cyflog a da hynny, ond mae unrhyw elw yn diflannu o’r ardal i boced y behemoth ag yw Tesco. Ni all ambell gant o swyddi wneud yn iawn am golledion busnesau lleol sy’n gwasanaethu yn lleol ac yn gwario’u helw yn lleol.

Dwi wir yn anobeithio!

Martin Williams 13 Hydref 2011, 13:01

Dyma i chi wefan hynod o ddifyr:
http://www.tescopoly.org

Ken 13 Hydref 2011, 13:01

Gret. Mae gormod o bwer gan siopwyr bach Aberystwyth.

Gareth 13 Hydref 2011, 13:06

Does dim gormod o bwer gan y siopwyr bach, ond mae eu horiau agor yn ei gwneud yn amhosib i unrhyw un sy’n dymuno eu cefnogi wneud hynny. Maent fel petaent yn dal i anelu at farchnad y gwragedd ty yn y 50au. Pa synnwyr mewn cau drysau am 5 o’r gloch bob dydd pan fo unrhyw un a allai fforddio eu prisiau beth bynnag yn y gwaith? Ai’r cynghorau sy’n eu llesteirio yn hyn o beth neu ddiffyg gweledigaeth gan y busnesau eu hunain, sy’n gwneud y pethau yr un ffordd ag maent wedi eu gwneud erioed… yr holl ffordd at fethdaliad? Mae angen mwy o weledigaeth na hyn – ar fyrder!

Ar nodyn arall, Marks & Spencer oedd dewis y bobl leol ar gyfer y safle. Does dim angen siop fwyd arall yn Aberystwyth – byddai Marks wedi gwneud mwy o wahaniaeth. Mae’r dewis o ddillad dynion yn y dre yn drychinebus o wael.

Martin Williams 13 Hydref 2011, 13:08

Ken- dos i brynu ymennydd.

C Morgan 13 Hydref 2011, 13:40

Cytuno’n llwyr gyda sylwadau Gareth. Mae’n debyg fod y Siambr Fasnach wedi croesawi’r datblygiad gan ddweud fod prawf y byddai cael archfarchnad yn agos at ganol y dref yn denu mwy o bobl i siopa yno. Bydd, efallai, ond am 8 o’r gloch y nos, nid 2 yn y prynhawn!

Dafydd 13 Hydref 2011, 14:37

Sut mae Tesco yn llwyddo agor archfarchnadoedd bron lle bynna y mynn nhw? Oes arian yn newid dwylo neu beth?

Martin Williams 13 Hydref 2011, 15:53

Predator Company/Cwmni Rheibus.
Mae siopau mwyaf Tesco yn hyll o fawr. Afiach-gair perffaith i ddisgrifio eu brechdanau parod.

Ken 13 Hydref 2011, 16:31

Mae siopwyr bach Aberystwyth wedi cael digon o rybudd, ond maent wedi cymryd eu cwsmeriaid yn ganiataol ers blynyddoedd.
Caffis yn cau am 4 , dim dychymyg yn y siopau bwyd , dim arlwy .
Mae cystadleuaeth yn dda i gwsmeriaid – yn enwedig i rai sydd gyda teulu ifanc iawn fel fi. Dum pawb sy’n gallu siopa’n hamddenol 2 o’r gloch brynhawn Mawrth , er enghraifft .
Hyd y gwela i , mae Tescos Aberteifi’n cyflogi cymaint o Gymry lleol na unrhyw siop fach yn Aber .
Buddugoliaeth arall i gyfalafiaeth a’r 21fed ganrif – dathlu mawr ymysg rhieni ifanc Aber !

pwy? 13 Hydref 2011, 16:49

Diwrnod trist iawn i Aberystwyth, diffetha cymeriad y lle!

Gareth 13 Hydref 2011, 16:56

O ddifri, fyddai’r siopau bach yn gallu bod ar agor ar oriau call a hwylus petai’r ewyllys yno, neu a yw’r siambr fasnach yn rhwystro hynny?

Dafydd 13 Hydref 2011, 17:02

Mi fydd dathlu mawr Ken…..hyd nes fydd y rhieni ifanc ’ma yn sylweddoli nad oes unrhyw gwaith i gael yn y dref heb law am waith rhan amser sydd heb un pensiwn na gwyliau. Nid yw llawn dwrnaid (megis y rheolwr a’r pobydd) o swyddi llawn amser os hynny yn gwneud i fyny am y swyddi sydd wedi colli mewn mannau eraill. Ond y peth mwa’ truenis yw’r holl arian sydd yn cael ei sugno allan o ardal heb ei ail gylchu. Mae llawer o bobl yn methu gweld yn bellach na’u trwynau.

Owain Meredith 13 Hydref 2011, 17:04

Diolch byth fod Tesco’s yn dod, rhamantu llwyr yw son am y siope bach bondigrybwyll.

Mae pobol modern angen archfarchnad fawr sy’n agor yn hwyr ac yn delifro i’r cartrefi ayyb. Pam ddyle pobol Aberystwyth orfod byw yn y pumdegau

Ac mae’n nhw’n gyflogwyr anferth, beth yw’r broblem?

Dafydd 13 Hydref 2011, 18:42

Cyflogwyr anferth….o bobl sy’n gweithio rhan amser heb fawr o percs megis pensiwn a gwyliau. Dyna beth yw’r broblem. Beth yw’r pwynt? Iawn…..y newyddion gorau i’r dref ers seflydlu’r brif-ysgol yno. Nawr mi eith y dref o nerth i nerth. Byddwch yn gallu gwneud pob dim dan un to. Hyfryd.

John Griffith 14 Hydref 2011, 08:08

Cytunaf gyda Dafydd. Mi fydd y Tesco hwn yn sugno arian o’r ardal.

Owain Meredith 14 Hydref 2011, 11:03

Dyw siopau bach ddim yn enwog am eu cyflogau anferth a’u pensiynau bras chwaith. Y gwir yw bydd Tesco yn dod a pobol mewn i ganol y dre ac yn adfywio tre sydd wedi edrych yn eithaf shabi ers cwpwl o flynyddoedd bellach

Dafydd 14 Hydref 2011, 11:12

Ti’n hollol gywir twrch. Mae Tesco wedi adfywio pob stryd fawr ym mhob tref mae nhw wedi symud iddo. ‘Tesco i bawb o bobl y byd’.

Dafydd 14 Hydref 2011, 11:14

(Dwi wedi gadael sylwadau fan hyn ac mae nhw’n ymddangos. Rwyf wedi gadeal dau sylw ar waelod erthygl arall ond nid ydynt wdi ymddangos. Beth sydd i’w gyfrif am hyn?)

Rhodri ap Dyfrig 14 Hydref 2011, 11:47

@Twrch

Mae eisoes dwy archfarchnad yn Aberystwyth o fewn hanner milltir i’r safle dan sylw, a’r ddwy yn agor yn hwyr. Mae dy ddadl di felly yn seiliedig ar swyddi’n unig a hynny ar draul angen. Faint o swyddi ddiflannith yn sgil agor Tesco i farchnad y gellir dadlau sydd eisoes wedi ei diwallu?

Amrywio ystod siopau Aberystwyth ddylai datblygiad fel hyn nid dyblygu.

Owain Meredith 14 Hydref 2011, 13:08

Mae gosod Tesco lan fel rhyw fwgan mawr yn beth boncyrs i neud

Just siop yw e Archfarchad sy’n hynod o boblogaidd gan gwsmeriaid ac sy’n cynnig y math o wasanaeth mae pobol ei angen – ac oes mae archfarchnadoedd eraill yn Aber ond Tesco’s yw’r siop fawr ‘go iawn’ cyntaf i’r dref, mae pawb yn sylweddoli hynny.

Mae Tesco’s yn boblogaidd achos fod pobol yn hoffi’r siop, fel mae pobol yn hoffi siopa ar y rhyngrwyd. Dyw stopio Tesco ddim yn mynd i atal llithriad Aber i rhyw dref fach tlawd o’r olwg. Gwastraff egni wedi’r cyfan yw ceisio stopio’r mor.

John Vaughan Williams 14 Hydref 2011, 13:53

y siopau bychain sy’n dda am Aberystwyth nid fel arall Ken! Mae gormod o drefi a dinasoedd yn edrych yr un fath – rhagor o siopau llai sydd angen arnon ni!

C Morgan 14 Hydref 2011, 14:18

http://bit.ly/o9dR73

Gareth 14 Hydref 2011, 16:53

Ond nid rhagor o siopau llai sy’n cau am 5, John. Rwy’n dymuno cefnogi siopau bach, ond dydyn nhw ddim yn fy nghefnogi i i’w cefnogi nhw drwy fod ar agor dim ond ar oriau anghyfleus pan nad allaf i fyth siopa.

Benjiman 14 Hydref 2011, 18:39

My Welsh isnt great, but this is such a important issue for me.
Swyddi? Ond beth math o swyddi? Nid dyfodol yn y swyddi i dod. Zombies. Arian i pwy? Dim Cymru, nid pobl lleol. Ac os agorwyd hwn fe fydd yr un peth digwydd fel pob lle arall agorodd Tescos yng Nghymru: Dadfeiliad yn yr iaith. Ond dyn ni’n gyfrifol, dyn ni’n cadw y siop ’ma yn ein drefi ni. Dyn ni’n rhoi arian iddyn nhw hyd yn oed dyn ni’n gweld y dinistriad tu mewn y dewisiad.
Cyfleustra neu ansawdd ydy. Ein dewis ni. Ansawdd, bydden ni ddim gael popeth yn rhad neu yn union pryd dyn ni’n eisiau ond fe fydd ein siopau a swyddi rywbeth i ymfalchio, rhywbeth sy’n dyn ni i gyd cyfrannu. Fe fydd y bobl yn wasanaethu ni’n fod ein cymdogion ni. Cyfleustra, dadfeiliad yn yr iaith, cymunedau, ac yn gyfnewid y pethe sy’n really matter ym mhywyd i pethe rhad er mwyn diogi. A thrwy hwn, y dinistriad raddol o bopeth sy’n hoffwn i yn y byd ’ma.

John Griffith 14 Hydref 2011, 19:14

Da iawn Benjamin.

Dafydd 14 Hydref 2011, 20:41

“Dyw siopau bach ddim yn enwog am eu cyflogau anferth a’u pensiynau bras chwaith. Y gwir yw bydd Tesco yn dod a pobol mewn i ganol y dre ac yn adfywio tre sydd wedi edrych yn eithaf shabi ers cwpwl o flynyddoedd bellach”

Ond mae perchnogion y siopau bach yn byw’n lleol fel arfer ac yn siopa’t lleol ac yn defynyddio cyfrifyddion a chyfriethwyr lleol. Nid ydyn ychwaith yn defnyddio cymaint o lafur i wasanethu’r cwsmeriaid ayyb. Wrth gwrs, maen’t yn cynnig cymaint fwy o bethau….ond mae pris mawr i dalu am hyn yn y pen draw. Rwy’n deall eu bod am symud i faes y gyfraith yn awr ar ben bancio, fferylla, ISP, gwerthu bwydydd, pethau gwyn (white goods), tanwydd, ffonau ayyb ayyb. Nid yw hyn y iachus. Ac ar ben hynny, mae cymaint o bwer ganddynt nes eu bod yn rhoi pwysau aruthrol ar gyflenwyr.

Gareth 15 Hydref 2011, 12:08

Ond nid dim ond “cyfleustra”, fel ei bod hi rhyw DIPYN BACH yn llai cyfleus i ni siopa yn y siopau bach rhwng 9 a 5 o’r gloch. Mae’n gwbl AMHOSIB, a dyna’r ffaith! Beth mae hi’n mynd i gymryd i wneud i’r siopau bach agor eu llygaid ac addasu eu horiau agor?! Rwy EISIAU eu cefnogi, ond rwy’n gweithio allan o’r dref ar yr union oriau y maent ar agor. RHAID agor ar y Sul a gyda’r nosau neu ni fydd pwrpas beio Tesco na neb arall – nhw eu hunain fydd ar fai am beidio hyd yn oed trio byw yn yr unfed ganrif ar hugain. Byddwch mor PC a liciwch chi, ond mae’r siopau yma ar gau pan fo’r cwsmeriaid yn rhydd i siopa, a dyna’r broblem fawr.

Rhodri ap Dyfrig 17 Hydref 2011, 16:11

@Gareth

Mae’n nonsens i ti neu unrhyw un arall drio dweud bod hi’n ‘siopa bach’ neu ‘archfarchnadoedd’, un neu’r llall, ond rwyt ti’n ceisio dadlau nad oes modd siopa yn Aberystwyth ar ôl 5 ar hyn o bryd! Mae Morrissons, Coop, Lidl, Iceland, CK’s, Spar (ac Aldi ar ei ffordd) i gyd ar agor yn hwyr…nawr, pa ddewis a chyfleustra ychwanegol fydd Tescos yn rhoi ar ben hyn?

Gareth 18 Hydref 2011, 11:01

Gyda phob parch, Rhodri, efallai mai dyna’r rhestr o siopau rwyt i’n dymuno eu cefnogi; gwell fyddai gennyf i gefnogi cigydd lleol, gwerthwr llysiau, ffrwythau, pysgod ayyb. Hynny yw, yn ddelfrydol. Os darlleni fy negeseuon, cei weld nad wyf yn cefnogi cael Tesco i Aberystwyth o gwbl; nid dyna fyrdwn fy nadl. Gofyn rwyf i – ond heb gael ateb – ai diffyg gweledigaeth y siopau bach (“annibynnol”, os yw hynny’n gliriach) eu hunain sy’n golygu eu bod yn cau am 5 bob dydd ac ar gau ar y Sul, neu ai’r siambr fasnach sy’n eu hatal rhag agor tu allan i’r oriau hynny. All rhywun gynnig goleuni ar hyn os gwelwch yn dda? Os mai penderfyniad y perchnogion eu hunain yna byddwn yn dra siomedig yn eu diffyg awydd i fyw.

Lowri Steffan 19 Hydref 2011, 16:03

Gareth – mae’n afrealistig disgwyl i siopau annibynol i aros ar agos tan hwyr y nos – diw hyn ddim yn digwydd gyda’r siopau “mawr” ar y stryd fawr hyd yn oed – ac mae ganddyn nhw lawer mwy o refeniw i’w wario ar y costau ychwanegol sydd ynglwm ag ymestyn oriau agor. Mi enwais ti 2-3 siop fwyd, beth am y siopau annibynol eraill sy’n gwerthu nwyddau / anrhegion ac ati – sut mae’n nhw i fod i gystadlu am gwsmeriaid Tesco? Yn gyffredinol, byddai M&S wedi bod yn llawer mwy buddiol i Aberystwyth – wedi denu llawer mwy o siopwyr i’r dre ac yn y pen draw wedi denu llawer mwy o siopau eraill yma. Ond dyna ni – diffyg gweledigaeth unwaith eto gan ein cynghorwyr yn anffodus

Gareth 20 Hydref 2011, 08:54

Does dim rhaid ‘ymestyn’ oriau agor. Beth am fod yn fwy creadigol ynglyn a nhw? Twpdra a diffyg gweledigaeth yw dim ond agor ar yr UNION un oriau ag oriau gwaith pobol siwr iawn. Siawns na allai hyd yn oed blentyn bach weld hynny!! Sut mae DISGWYL i neb fynd i siop – pa bynnag siop – yn ystod yr oriau hynny, yn enwedig y bobl sy’n mynd i allu fforddio prisiau’r siopau bach? All M&S na neb arall ddenu gweithwyr pan mae eu cytundebau’n golygu fod yn RHAID iddynt fod wrth eu desgiau yn enw rheswm!!

Mae’r sylwadau wedi cau.

Dewis Tesco i Aberystwyth

Y Cyngor Sir yn dewis datblygwyr sy’n cynnwys archfarchnad fawr

Poblogaidd

Swyddi

Cynhyrchydd (Dwy swydd)

Cyfathrebwr Estyn Allan STEM (40% CALl)

Cynorthwyydd Materion Rheoleiddiol Ofcom Cymru

Pennaeth y Gwasanaethau Cyfreithiol (Dros Gyfnod Mamolaeth)

Cyfarwyddwr Astudiaethau Caplaniaeth

Swyddog Arweiniol Data

Swyddog Prosiect Ymbweru Bro (ardal Wrecsam)

Crëwr Cynnwys Digidol

Tiwtor Cymraeg ar gyfer y Gweithlu Addysg

Rheolwr Aelodaeth

← Stori flaenorol

Tafarndai i ailagor y tu mewn o ddydd Llun 3 Awst ymlaen

Stori nesaf →

Dim croeso i’r wasg yn angladd cefnogwr pêl-droed

Hefyd →

Pryderon wrth i Tata ddirwyn trafodaethau ag undebau i ben

31 sylw