Protest amgylcheddol yn symud o gastell Caerdydd i Neuadd y Ddinas

Diweddarwyd  
Neuadd y Ddinas Caerdydd

Neuadd y Ddinas Caerdydd

Llun: Yerpo trwy Wikimedia Commons

Mae grŵp o ymgyrchwyr amgylcheddol wedi cyhoeddi y byddan nhw’n dod â’r protestiadau y tu allan i gastell Caerdydd i ben.

Mewn cyfarfod cyhoeddus fore heddiw (dydd Mercher, Gorffennaf 17), penderfynodd aelodau’r Gwrthryfel Difodiant (Extinction Rebellion) symud ffocws eu protest o Heol y Castell i Neuadd y Ddinas.

Daw’r penderfyniad yn ystod y trydydd diwrnod o brotestio ynghanol y ddinas, sydd wedi achosi trafferthion i draffig wrth i ymgyrchwyr feddiannu strydoedd.

Bwriad y brotest, sy’n rhan o ddigwyddiad ehangach ledled gwledydd Prydain o’r enw ‘Gwrthryfel yr Haf’, yw galw ar Lywodraeth Prydain i weithredu yn erbyn newid yr hinsawdd.

Wrth adael, mae’r grŵp wedi diolch i’r cyngor, yr heddlu a busnesau lleol am eu cydweithrediad.

Maen nhw hefyd yn bwriadu cysylltu ag Aelodau Seneddol, Aelodau’r Cynulliad a Chyngor Caerdydd yn dilyn y protestiadau.

Ond maen nhw’n rhybuddio y byddan nhw’n dychwelyd oni bai bod yna “weithredu clir” gan y gwleidyddion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones