Gwilym Owen yn “garedig tu hwnt”, yn ôl Lyn Ebenezer

Diweddarwyd am  

Lyn Ebenezer

Llun: golwg360/Karen Owen

Mae’r newyddiadurwr a’r darlledwr, Lyn Ebenezer, yn cofio’r diweddar Gwilym Owen fel “hen foi meddal iawn”, er ei fod yn hoff o ymddwyn yn “ddyn caled”.

Wrth hel atgofion am y newyddiadurwr a fu farw yn 87 yr wythnos hon, mae Lyn Ebenezer yn dweud iddo dderbyn sawl gwahoddiad gan Gwilym Owen i adolygu’r papurau ar BBC Radio Cymru dros y blynyddoedd.

Ac roedd hynny, pwysleisia, yn y dyddiau pan mae “dim ond newyddiadurwyr” oedd â’r hawl i adolygu.

Ond y tu hwnt i fyd newyddiaduriaeth, mae Lyn Ebenezer yn nodi mai dyn “caredig tu hwnt” oedd  Gwilym Owen, a oedd i’r gwrthwyneb i’r ddelwedd ohono fel “hen foi oedd yn mynd yn groes i bopeth”.

“Roedd e’n dod i lawr i Aberystwyth bob hyn a hyn er mwyn gweld  y bobol oedd yn gweithio iddo fe, ac fe fyddwn ni’n cwrdd yn [nhafarn] y Cŵps am ryw awr neu ddwy, a’r amser hynny roedd Gwilym ar ei orau,” meddai Lyn Ebenezer wrth golwg360.

“Fe wnaeth e lawer o elynion, doedd dim dadl am hynny, ond doedd pobol ddim yn ei nabod e. Doedden nhw ddim yn deall y cymeriad…

“Dim ond ei orau welais i erioed.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019