Gwilym Owen “bob amser yn ddifyr” meddai Dafydd Iwan

Diweddarwyd am  

Dafydd Iwan

Llun: S4C

 Roedd Gwilym Owen yn newyddiadurwr a oedd “bob amser yn ddifyr”, meddai Dafydd Iwan, sy’n cyfaddef na fu’r ddau’n “ffrindiau pennaf” ar hyd y blynyddoedd.

Daeth y canwr a’r ymgyrchydd i gysylltiad â’r Monwysyn yn nyddiau rhaglen ddyddiol Y Dydd yn yr 1960au, lle’r oedd Gwilym Owen yn aelod o’r tîm cynhyrchu a Dafydd Iwan yn gyfrannwr cyson.

Yn ôl Dafydd Iwan, doedd Gwilym Owen ac yntau ddim yn “gweld llygaid yn llygaid” ar nifer o faterion, gyda’r ddau’n ei gweld hi’n “haws i ddadlau nag i gytuno”.

Ond mae’n ychwanegu bod gan y ddau “barch” at ei gilydd, ac roedd derbyn gwahoddiad i fod yn westai ar un o raglenni olaf Wythnos Gwilym Owen ar Radio Cymru yn enghraifft o hynny, meddai.

“Procio’n gyson”

“Y peth mwyaf oedd gen i yn erbyn Gwilym oedd bod gynno fo ei hoff dargedau, ac roedd o byth a hefyd yn taro yn erbyn yr Eisteddfod, y Blaid, yr Urdd ac S4C,” meddai Dafydd Iwan wrth golwg360.

“Hynny yw, roedd o’n credu ein bod ni wedi creu buchod sanctaidd o’r pethau hynny. Roedd hynny, dw i’n meddwl, yn ei ddallu o rhag gweld eu cryfderau nhw.

“Ond, ar y llaw arall, mae angen pobol i daro yn erbyn y targedau yma rhag inni wneud buchod sanctaidd ohonyn nhw.

“Mae’n bosib dadlau bod rhywun fel Gwilym, sy’n procio’n gyson, yn gwneud lles yn y pen draw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer