Y newyddiadurwr, Gwilym Owen, wedi marw

Diweddarwyd  

Gwilym Owen

Llun: Cylchgrawn Golwg

Bu farw’r newyddiadurwr, Gwilym Owen, yn 87 oed.

Y pennaf brociwr a phryfociwr o Lannerch-y-medd ym Môn oedd yr unig un i fod yn bennaeth ar wasanaethau newyddion y BBC ac HTV yng Nghymru, ac fe fu’n golofnydd wythnosol i bapur Y Cymro ac i gylchgrawn Golwg.

Er iddo ddechrau ei fywyd gwaith yn drefnydd gweithgareddau pobol ifanc yn yr hen Sir Gaernarfon, yn ddirprwy i I B Griffith, ac er iddo ddisgleirio hefyd yn reffarî pêl-droed, fe ddechreuodd ohebu i’r hen TWW yn y 1960au.

Fe gafodd gyfnod llewyrchus yn gynhyrchydd rhaglen ddyddiol Y Dydd, gan roi’r cyfle cyntaf i gyfranwyr fel Dafydd Iwan gyfansoddi caneuon amserol a heriol.

Mae’n debyg y bydd y rhan fwyaf o bobol yn ei gofio’n fwy diweddar yn gyflwynydd rhaglen Wythnos Gwilym Owen bob dydd Llun ar Radio Cymru, lle’r oedd yn rhoi ei athroniaeth o “ddiddanu ac addysgu” ar waith, yn holi’n galed, yn codi gwrychyn, ac yn herio ei westeion.

Er hynny – neu efallai o’i herwydd – roedd yn brolio na wrthododd neb erioed ag ymddangos ar ei raglen.

Ar Orffennaf 1, 1969, diwrnod arwisgo Charles yn Dywysog Cymru yng Nghastell Caernarfon, fu dim rhaid i Gwilym Owen fynd yno i ohebu. Roedd hynny, meddai, am fod dau o ddynion ifanc wedi cael eu cyflyrru i osod bom yn Abergele – ac i’r bom honno ffrwydro cyn pryd ar noswyl y digwyddiad brenhinol, a’u lladd. Gweithred y disgrifiodd y newyddiadurwr hi fel “gwastraff”.

 

 

 

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer