Achosion o ffliw ceffylau ar gynnydd yn y gogledd

Diweddarwyd am  

Mae perchnogion ceffylau yn y gogledd yn cael eu cynghori i gadw eu hanifeiliaid adref yn dilyn cynnydd yn nifer yr achosion o ffliw ceffylau.

Yr wythnos ddiwethaf, fe gyhoeddodd trefnwyr Sioe Gogledd Cymru, Caernarfon eu bod nhw wedi gorfod gohirio’r digwyddiad dros y penwythnos wrth i gystadleuwyr dynnu’n ôl oherwydd y feirws.

Ers hynny, mae trefnwyr sioeau bach eraill yn y gogledd wedi penderfynu mai gwell fyddai gohirio hefyd.

Yn ôl y cwmni milfeddygol o Fangor, Bodrwnsiwn Equine, maen nhw wedi derbyn cadarnhad gan yr Ymddiriedolaeth Iechyd Anifeiliaid fod dau leoliad yng Ngwynedd a Môn wedi cael eu heffeithio gan y ffliw yn ddiweddar.

Mae lle i gredu hefyd fod y feirws wedi ymledu i ardal Dolgellau.

Mewn datganiad ar Facebook, dywed y milfeddygon: “Yr hyn sy’n gyffredin rhwng y ddau leoliad [yng Ngwynedd a Môn] yw i’r ddau fod yn bresennol yn Sioe Llanrwst y penwythnos diwethaf.

“Rydym yn annog perchnogion i gadw eu hanifeiliaid adref am y tro hyd nes bod lledaeniad y feirws yn cael ei asesu’n well.”

Ymhlith y sioeau bach na fydd yn cael eu cynnal eleni oherwydd y ffliw mae Sioe Clwb Marchogaeth Lloc a’r Rhanbarth, a Sioe Cymdeithas Merlod a Chobiau Cymreig Gwynedd.

Fe fydd Sioe Fawr Llanelwedd yn cael ei chynnal ymhen pythefnos ac mae golwg360 wedi gofyn i drefnwyr y sioe am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer