Amgueddfa Sain Ffagan yn ennill gwobr o £100,000

Diweddarwyd am  

Llun: Amgueddfa Cymru

Mae Sain Ffagan Amgueddfa Werin Cymru wedi derbyn gwobr Amgueddfa’r Flwyddyn y Gronfa Gelf 2019 neithiwr (nos Fercher. Gorffennaf 3).

Mae hi’n cael ei hystyried fel gwobr amgueddfa fwyaf y byd ac mae Sain Ffagan yn derbyn £100,000 oherwydd y llwyddiant.

Daeth yr amgueddfa o flaen pedair arall oedd ar y rhestr sef HMS Caroline ym Melffast, y Nottingham Contemporary, Pitt Rivers yn Rhydychen, a’r V&A yn Dundee.

Yr artist Jeremy Deller wnaeth gyflwyno’r wobr i Gyfarwyddwr Cyffredinol Amgueddfa Cymru, David Anderson yn y seremoni yn yr Amgueddfa Wyddoniaeth yn Llundain.

“Cofeb i ddemocratiaeth amgueddfa”

Y beirniaid ar gyfer y wobr oed yr artist David Batchelor, y darlledwr a newyddiadurwr Brenda Emmanus, Prif Weithredwr Glasgow Life Bridget McConnell a Bill Sherman, Cyfarwyddwr Sefydliad Warburg.

Yn ôl Stephen Deuchar, Cyfarwyddwr y Gronfa Gelf a chadeirydd y beirniaid “mae Sain Ffagan yn byw, yn anadlu ac yn ymgorffori diwylliant a hunaniaeth Cymru.

“Mae’n gofeb i ddemocratiaeth amgueddfa fodern, ac mae wedi cael ei thrawsnewid trwy brosiect datblygu mawr sy’n cynnwys cyfranogiad uniongyrchol cannoedd o filoedd o ymwelwyr a gwirfoddolwyr.

Fe gwblhaodd Sain Ffagan prosiect Creu Hanes gwerth £30m y llynedd a thrwy gydol y prosiect fe groesawodd yr amgueddfa tair miliwn o ymwelwyr.

“Mae hawl gan bob dinesydd gymryd rhan mewn diwylliant,” meddai David Anderson, Cyfarwyddwr Cyffredinol, Amgueddfa Cymru.

“Rwy’n falch iawn bod Sain Ffagan wedi cael ei chydnabod gan feirniaid Amgueddfa’r Flwyddyn y Gronfa Gelf am waith yr Amgueddfa, i roi cyfle i bawb ymgysylltu â diwylliant mewn ffordd ystyrlon.”

 

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019