Warren Gatland yn dychwelyd i Seland Newydd

Diweddarwyd am  

Warren Gatland

Llun: Undeb Rygbi Cymru

Bydd Warren Gatland yn dychwelyd i Seland Newydd y tymor nesaf i hyfforddi’r Gallagher Chiefs.

Bydd y Kiwi 55 oed yn camu o’r neilltu fel prif hyfforddwr Cymru ar ddiwedd y flwyddyn yn dilyn pencampwriaeth Cwpan y Byd.

Mae eisoes wedi ei gadarnhau’n brif hyfforddwr ar y Llewod ar y daith i Dde Affrica yn 2021, ond yn y cyfamser fe fydd yn dychwelyd i fro ei febyd yn Hamilton.

“Mae’r cyfle i ddychwelyd ac i ddod yn brif hyfforddwr y Gallagher Chiefs yn rhywbeth sy’n fy llenwi â chyffro,” meddai Warren Gatland.

“Mae’r Gallagher Chiefs yn enwog am eu llwyddiant ar y cae a thu hwnt, ac mae ganddyn nhw gefnogaeth ffyddlon gan bawb o fewn rhanbarth y Chiefs.”

Dewis naturiol

Cyn dod i Gymru yn 2008, roedd Warren Gatland yn brif hyfforddwr ar Undeb Rygbi Waikato a bu’n ymgynghorydd technegol i’r Chiefs yn 2006.

Mae prif weithredwr y Chiefs, Michael Collins, wedi disgrifio Warren Gatland fel “hyfforddwr o safon ryngwladol”.

“Roedd ei gefndir rygbi da a’i awydd i ddychwelyd adre i Seland Newydd ac i fod yn rhan o Super Rugby yn naturiol yn ei wneud yn brif ddewis ar gyfer y swydd,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer