Prif weinidogion: rhaid “diystyru” Brexit heb gytundeb

Diweddarwyd am  
Mark Drakeford o flaen baneri Cymru a'r Undeb Ewropeaidd

Mark Drakeford

Llun: CPMR SA 2.0 trwy Flickr

Mae prif weinidogion Cymru a’r Alban wedi galw ar olynydd Theresa May i “ddiystyru” Brexit heb gytundeb.

Wrth i Theresa May gamu o’r neilltu, mae ras yn mynd rhagddi i benodi olynydd i gymryd ei lle fel arweinydd y Ceidwadwyr a Phrif Weinidog gwledydd Prydain.

Ac mae un o’r rheiny, Boris Johnson, eisoes wedi dweud y byddai’n fodlon bwrw ati â Brexit heb ddêl os na ddaw cytundeb erbyn Hydref 31.

Mae Mark Drakeford a Nicola Sturgeon yn credu y gallai Brexit heb gytundeb “achosi niwed difrifol i enw da’r Deyrnas Gyfunol” a bellach maen nhw wedi cyhoeddi datganiad ar y cyd.

Datganiad ar y cyd

“Rhaid i’r Prif Weinidog nesaf gamu nôl o ymyl dibyn Brexit heb gytundeb, a bod yn onest gyda’r cyhoedd,” medden nhw.

“Os byddant yn parhau ar y trywydd presennol, mae’n edrych yn fwyfwy tebygol y bydd y Deyrnas Gyfunol yn cael ei rhwygo o’r Undeb Ewropeaidd ymhen pedwar mis…

“Felly, rhaid i’r Prif Weinidog newydd newid ei drywydd a diystyru ymadael heb gytundeb ar unrhyw gyfrif.”

Daw’r rhybudd cyn cyfarfod rhwng y ddau arweinydd ym Manceinion – cyfarfod olaf y Cyngor Prydeinig-Gwyddelig cyn penodiad Prif Weinidog newydd y Deyrnas Unedig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer