Arestio pedwar mewn cysylltiad â llofruddiaeth Gerald Corrigan

Diweddarwyd  

Llun: Gwefan yr Heddlu

Mae’r heddlu wedi arestio pedwar person mewn cysylltiad â llofruddiaeth Gerald Corrigan, 74, yn ei gartref ym Môn.

Mae dyn, 38, o ardal Bryngwran wedi ei arestio ar amheuaeth o ladd y cyn-ddarlithydd ymhlith troseddau eraill.

Mae dau ddyn arall, sef dyn, 48, o ardal Caergeiliog, a dyn, 36, o Fryngwran, yn cael eu hamau o gynllwynio i lofruddio a chynllwynio i dwyllo, yn ogystal â chyflawni troseddau cysylltiedig eraill.

Cafodd dynes, 50, ei harestio ar amheuaeth o wyngalchu arian ac mae hi hefyd yn cael ei hamau o gyflawni troseddau’n ymwneud â thwyll.

Cefndir

Cafodd Gerald Corrigan ei saethu gan fwa croes tra oedd yn addasu lloeren y tu allan i’w gartref mewn ardal anghysbell ger Caergybi ar Ebrill 19.

Cafodd y pensiynwr anafiadau difrifol yn ystod y digwyddiad a bu farw’n ddiweddarach ar Fai 11.

Yn ôl Heddlu Gogledd Cymru, maen nhw’n credu bod Gerald Corrigan wedi cael ei “dargedu’n fwriadol”.

Maen nhw’n dal i apelio ar unrhyw un sydd â gwybodaeth am y digwyddiad i gysylltu â nhw ar unwaith.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019