Llyfr Glas Nebo yn ennill gwobr ‘Barn y Bobol’ golwg360

 

Manon Steffan Ros

Llun: Y Lolfa

Nofel y Fedal Ryddiaith yn yr Eisteddfod Genedlaethol y llyedd yw enillydd gwobr ‘Barn y Bobol’ golwg360 yn seremoni Llyfr y Flwyddyn 2020.

Mewn seremoni yn Aberystwyth heno (nos Iau, Mehefin 20) fe gyhoeddwyd mai cyfrol Manon Steffan Ros oedd wedi derbyn y nifer mwyaf o bleidleisiau mewn pôl a gynhaliwyd ar y wefan hon yn ystod misoedd Mai/Mehefin.

Roedd darllenwyr yn gallu dewis pa un o’r naw cyfrol Gymraeg a oedd wedi cyrraedd y tair rhestr fer – Ffuglen, Barddoniaeth a Ffeithiol Greadigol – oedd yr un y bydden nhw’n ei dewis yn ‘Llyfr y Flwyddyn’.

Mae Llyfr Glas Nebo wedi gwneud argraff fawr ers cael ei gwobrwyo yn mhrifwyl Caerdydd 2018, gan gyrraedd rhestr fer Gwobr Tir na n’Og eleni hefyd.

Er na lwyddodd i ennill y wobr honno, cyfrol arall gan Manon Steffan Ros ar gyfer pobol ifanc, Fi a Joe Allen, aeth â hi.

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019