Prosiect ‘Iaith y Pridd’ yn holi ffermwyr am sut i ledaenu’r Gymraeg

Diweddarwyd  

Llun: CC0

Bydd cyfres o gyfarfodydd yn cael eu cynnal ledled Cymru dros yr haf er mwyn gofyn sut y gall y diwydiant amaeth gyfrannu tuag at sicrhau miliwn o siaradwyr Cymraeg erbyn 2050.

Mae sesiynau trafod ‘Iaith y Pridd’ yn cael eu trefnu gan Gyswllt Ffermio, a bydd ‘Bŵth Amaeth’ yn ymddangos mewn nifer o sioeau amaethyddol dros yr wythnosau nesaf, gan gynnwys y Sioe Fawr a’r Eisteddfod Genedlaethol.

Y nod yw siarad â theuluoedd ffermio a chasglu eu barn ynglŷn â sut i gynyddu nifer y siaradwyr Cymraeg o fewn y diwydiant amaeth.

Yn ôl Cyswllt Ffermio, bydd y cyfarfodydd yn cael eu cynnal ar ffurf “caseg eira”, lle bydd y prif bwyntiau o’r cyfarfod cyntaf yn cael eu trosglwyddo i’r cyfarfod nesaf, ac yn y blaen.

Cynyddu’r Gymraeg

“Mae gan yr iaith Gymraeg bresenoldeb amlwg o fewn amaethyddiaeth,” meddai Eirwen Williams, un o gyfarwyddwyr Menter a Busnes sy’n gyfrifol am drefnu’r cyfarfodydd.

“Felly, rydym am edrych i weld sut allwn ni adeiladu ar hyn, a chynyddu nifer y siaradwyr er mwyn cyrraedd y targed o filiwn o siaradwyr Cymraeg erbyn 2050.

“O’n profiad ni, mae digonedd o syniadau gan y diwydiant amaeth, felly rydyn ni’n awyddus i gasglu barn, ac mae angen i ni siarad â theuluoedd amaeth er mwyn dod o hyd i atebion.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019