Branwen Cennard yn cofio Heulwen Hâf yn “cofleidio’r cancr”

Diweddarwyd am  
Branwen Cennard a Heulwen Hâf

Branwen Cennard a Heulwen Hâf

Llun Branwen Cennard

“Roedd Heulwen yn berson cadarnhaol tu hwnt, yn gweld y gorau ym mhopeth ac yn chwilio am y gorau ym mhawb roedd hi’n dod ar eu traws nhw.”

Dyna eiriau’r cynhyrchydd teledu, Branwen Cennard, wrth dalu teyrnged i’w chyfaill, Heulwen Hâf.

Fe wnaeth y ddwy gyfarfod â’i gilydd y tro cyntaf ar set y rhaglen gylchgrawn, Wedi Tri, yn 2006, lle roedd Branwen Cennard yn olygydd cynnwys a Heulwen Hâf yn gyfrannwr cyson.

Bu’r ddwy’n gyfeillion tan y diwedd ym mis Rhagfyr 2019, pan gollodd Heulwen Hâf ei brwydr olaf yn erbyn canser, a hithau’n 74 oed.

Flynyddoedd ynghynt, darlledwyd rhaglen Blodyn Haul ar S4C yn dogfennu ei brwydr gyntaf gyda’r afiechyd, ac yn 2011 fe gyhoeddodd y llyfr ffeithiol, Bron yn Berffaith.

Dewrder

Yn ôl Branwen Cennard, roedd Heulwen Hâf yn “fenyw ddewr iawn” a lwyddodd i wynebu canser mewn ffordd “gadarnhaol”.

“Pan gath hi’r diagnosis cyntaf o gancr dros ddeng mlynedd yn ôl nawr, fe benderfynodd hi nad oedd hi’n mynd i frwydro yn erbyn y cancr, ond ei bod hi’n mynd i gofleidio’r cancr ac, eto, edrych ar y cancr fel rhywbeth positif,” meddai Branwen Cennard wrth golwg360.

“Wrth gwrs, er bod y cyfnod pan oedd hi’n sâl yn anodd iawn, iawn iddi hi yn gorfforol ac yn feddyliol, fe wnaeth hi gymryd pob cyfle i fod yn gadarnhaol am y profiad hwnnw…”

“Mi roedd hi’n ddewr a phan ddoth y cancr yn ôl am yr eildro yn ddiweddar, mi roedd hi yr un mor ddewr yn penderfynu ei bod hi ddim yn mynd i ail-gerdded y llwybr gymrodd hi ddeng mlynedd yn ôl a’i bod hi’n mynd i dderbyn, mewn ffordd, bod y cancr yn ôl a bod dim gwella y tro yma.

“…mi roedd y ffordd wnaeth hi ddelio gyda’i phenderfyniad yn gadarnhaol. Mi wnaeth hi y mwyaf o’i hamser, mi wnaeth hi roi ei thŷ a’i phethe mewn trefn, a sicrhau bod pob peth yn digwydd yn union fel yr oedd hi eisiau iddo fe ddigwydd.

“Roedd fy edmygedd hi ohoni bron â bod yn fwy yr eilwaith nag yr oedd e’r tro cyntaf, os yw hynny’n bosib.”

Mae modd gwrando ar Branwen Cennard yn sôn rhagor am Heulwen Hâf yn fan hyn:

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer