Adam Price a Stephen Kinnock yn cydnabod cymryd cyffuriau

Diweddarwyd am  

Adam Price AC

Llun: Plaid Cymru

Mae dau o wleidyddion amlyca’ Cymru wedi cydnabod iddyn nhw gymryd cyffuriau anghyfreithlon pan oedden nhw’n ifanc.

Ond mae’r ddau hefyd wedi galw am newid llwyr yn y strategaeth i ymladd cyffuriau, gan ddweud bod y ‘rhyfel yn erbyn cyffuriau’ wedi methu.

Roedd Adam Price a Stephen Kinnock yn ymateb i gwestiynau ar ôl i rai o’r ymgeiswyr am arweinyddiaeth y blaid Geidwadol gyfadde’ eu bod nhw wedi torri’r gyfraith trwy gymryd cyffuriau caled.

Wedi cymryd

Ar y rhaglen deledu Question Time, fe ddywedodd arweinydd Plaid Cymru, Adam Price, ei fod wedi cymryd cyffuriau flynyddoedd yn ôl.

“A finnau’n ddyn hoyw yn mynd i glybio yn yr 1990au, fe fyddai wedi bod yn syndod pe bawn i heb wneud,” meddai, gan ddweud nad oedd yn falch o hynny.

Ac fe ddywedodd Aelod Seneddol Aberafan, Stephen Kinnock, ei fod yntau wedi bod yn defnyddio canabis yn yr ysgol yn Llundain a chyffuriau wedyn yn “ail haf cariad” y 90au.

‘Angen dulliau newydd’

Ond roedd y ddau’n condemnio gwleidyddion Ceidwadol fel y ddau ymgeisydd am arweinyddiaeth y Torïaid, Michael Gove a Boris Johnson, sydd wedi cymryd cyffuriau a chefnogi cyfreithiau haearnaidd i gosbi pobol sy’n cael eu dal.

Roedd y ddau wleidydd Cymreig yn galw am newid agwedd gan ddefnyddio dulliau iechyd a lles i ddelio â’r broblem yn hytrach na chyfreithiau trosedd. Roedd rhagrith y gwleidyddion Ceidwadol yn “anfaddeuol”, meddai Adam Price.

“R’yn ni’n dal i drio gwneud yr un peth gyda chyffuriau ond dyw e ddim yn gweithio,” meddai Stephen Kinnock, mab y cyn-arweinydd Llafur, Neil Kinnock, a’r cyn AS Ewropeaidd, Glenys. “Mae’n amser i ni wneud pethau newydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019