Dros 1,000 yn cefnogi deiseb Cofiwch Dryweryn Pen-y-bont ar Ogwr

Diweddarwyd  
Cofiwch Dryweryn

Wal ‘Cofiwch Dryweryn’ Pen-y-bont ar Ogwr

Llun oddi ar dudalen Facebook Yes Cymru Pen-y-bont ar Ogwr

Mae mwy na 1,000 o bobol wedi llofnodi deiseb sydd wedi’i sefydlu yn sgil ymateb Cyngor Sir Pen-y-bont ar Ogwr i arwydd ‘Cofiwch Dryweryn’ ar wal siop yn y dref.

Ac mae Huw David, arweinydd y Cyngor, yn dweud wrth golwg360 y bydd ymateb swyddogol yn cael ei gyhoeddi “ddechrau’r wythnos, efallai ar ddydd Mawrth”.

Cafodd yr arwydd ei baentio ar wal siop losin Ella Riley mewn undod â’r ymgyrch sydd wedi gweld arwyddion tebyg yn cael eu paentio ledled Cymru ers i’r wal wreiddiol yn Llanrhystud gael ei difrodi.

Mae landlord oedrannus y siop wedi derbyn llythyr gan y Cyngor Sir yn bygwth dwyn achos yn ei erbyn, am eu bod yn ystyried yr arwydd yn “hysbyseb”, ac nad oes ganddo ganiatâd.

Freya Bletsloe, sy’n rhedeg y siop ac sy’n gynghorydd lleol, sydd wedi sefydlu’r ddeiseb, sy’n cyhuddo’r cyngor o fod yn “wrth-Gymraeg” am fod y llythyr wedi cael ei anfon yn uniaith Saesneg.

Mae’n dweud bod ymateb y Cyngor yn “gwbl annerbyniol i dreftadaeth ddiwylliannol a hanes y wlad hon”.

Dim ymateb gan y Cyngor

Yn ôl Freya Bletsloe, dydy’r Cyngor Sir ddim yn fodlon trafod y sefyllfa.

Mae’n dweud iddi geisio cysylltu â phrif weithredwr ac arweinydd y cyngor, pennaeth adran gynllunio’r cyngor, rheolwr adrannol ac arweinydd tîm.

Ond hyd yn hyn, maen nhw i gyd wedi gwrthod cyfathrebu, a doedd neb ar gael i drafod wyneb-yn-wyneb, meddai.

“Rydym yn galw ar Gyngor Bwrdeistref Sirol Pen-y-bont ar Ogwr i ddileu’r bygythiad o achos llys a dirwy yn y llythyr, ac rydym yn gofyn iddyn nhw ysgrifennu at landlord yr eiddo i ymddiheuro’n llawn am yr aflonyddwch a’r niwed maen nhw wedi’i achosi iddo yn sgil y mater, ac i ymddiheuro’n gyhoeddus i bobol Cymru am ddiystyru ein hiaith, ein hanes a’n trefdaeth,” meddai’r ddeiseb.

“Rydym hefyd am geisio sicrwydd gan Arweinydd y Cyngor a’r Prif Weithredwr na fydd y sefyllfa yma’n digwydd eto.”

Dywedodd Huw David, arweinydd y Cyngor Sir, wrth golwg360 na fyddan nhw’n ymateb “cyn dechrau’r wythnos, ar ddydd Mawrth efallai”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer