Rhybudd gan undeb ffermwyr yn erbyn pleidlais brotest yn etholiad Ewrop

Diweddarwyd  

Llun: CC0

Mae pleidlais brotest yn yr etholiad Ewropeaidd i’r pleidiau sydd fwyaf o blaid Brexit yn mynd i fod yn niweidiol i’r diwydiant amaeth a chymunedau gwledig, yn ôl Undeb Amaethwyr Cymru (FUW).

Daw’r rhybudd gan lywydd yr undeb, Glyn Roberts, ar drothwy’r etholiad ddydd Iau yma (Mai 23) – “yr etholiad mwyaf anghyffredin mewn cof,” meddai.

Dywed Glyn Roberts ei fod yn deall “y rhwystredigaeth” sydd gan rai pobol tuag at Brexit, ond mae’n apelio arnyn nhw i ailfeddwl cyn bwrw pleidlais brotest.

Mae’n ychwanegu mai “grym dinistriol” fydd y Brexitwyr os ydyn nhw’n cael eu hethol i Senedd Ewrop.

‘Rhaid adeiladu pontydd’

“Fy mhryder i yw y bydd unigolion o’r fath yn anfon neges ledled Ewrop a’r byd bod gwledydd Prydain sy’n unrhyw beth ond aeddfed…,” meddai wedyn.

“Mae angen inni sicrhau bod yr aelodau ar gyfer Senedd Ewrop yr ydyn ni’n eu hethol yn wirioneddol gynrychioli buddiannau hirdymor Cymru a gwledydd Prydain, gan weithio â pharch, urddas a diplomyddiaeth.

“Mae’n rhaid inni adeiladu pontydd gyda swyddogion a gwledydd yr Undeb Ewropeaidd – y bobol y bydd yn rhaid i wledydd Prydain yn ystod y misoedd nesaf drafod cytundeb masnach ffafriol os yw’r marchnadoedd llewyrchus ar stepen ein drws am barhau’n agored.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer