Plaid Cymru’n apelio am bleidleisiau ‘Arhoswyr’

Diweddarwyd am  
Adam Price yn annerch wedi'r etholiad

Adam Price

Llun: Plaid Cymru

Mae Plaid Cymru’n defnyddio canlyniad arolwg barn newydd i alw ar wrthwynebwyr Brexit o bleidiau eraill i bleidleisio iddyn nhw yn yr Etholiadau Ewropeaidd.

Mae’r blaid yn honni bod yr arolwg yn dangos mai hi yw’r unig un o’r pleidiau gwrth-Brexit sydd â digon o gefnogaeth i ennill un o’r pedair sedd sydd ar gael yng Nghymru.

Mae’n dweud hefyd ei bod yn agos iawn at guro’r Blaid Lafur … ond plaid Brexit newydd Nigel Farage sydd ar y blaen. Ac fe fyddai’r Ceidwadwyr yn cael eu gadael heb sedd o gwbl.

YouGov

Er mai arolwg wedi ei gomisiynu gan Blaid Cymru ei hun yw hwn, fe gafodd ei gynnal gan y cwmni uchel-ei-barch YouGov.

Mae hefyd yn dangos bod y Democratiaid Rhyddfrydol a’r Gwyrddion yn ennill tir – +4% a +3% o gymharu ag Arolwg Baromedr diweddara’ Cymru.

Dim ond 1% oedd cynnydd Plaid Cymru, sy’n awgrymu bod angen iddi hi wneud mwy os yw am gael ei gweld yn brif blaid ‘Aros’ Cymru.

 

“Yr unig blaid Aros all ennill sedd”

“Mae’r pôl hwn yn ei wneud yn gwbl glir mai Plaid Cymru yw’r unig blaid sy’n ffafrio Aros a all ennill yng Nghymru,” meddai arweinydd Plaid Cymru, Adam Price. “Ni yw’r blaid sydd ar ei hennill a ni yw’r unig opsiwn posib i gefnogwyr Aros.

“Os bydd cefnogwyr y Democratiaid Rhyddfrydol, y Gwyrddion, a Change UK yn cefnogi Plaid Cymru, gallai Aros ennill dwy sedd, a gwthio’r Brexit party i’r ail safle.”

Fe apeliodd hefyd am bleidlais cefnogwyr Llafur sydd wedi “dadrithio” yn agwedd y blaid honno at Brexit.

Os yw’r pôl yn gywir, mi fyddai’r Ceidwadwyr i lawr yn y chweched safle ac UKIP yn ola’.

Yr arolwg

Yr arolwg – y ffigurau yn y cromfachau’n dangos y newid ers yr Arolwg Baromedr diwetha’ yng Nghymru.

Brexit Party – 33%

Llafur – 18%

Plaid Cymru – 16%

Dem Rhydd – 10%

Gwyrddion – 8%

Ceidwadwyr – 7%

Change UK – 4%

UKIP – 3%

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl