Marathon 24 awr i gneifiwr cyflym o Bowys

 
Owen Davies, y cneifiwr cyflym o Bowys

Owen Davies, y cneifiwr cyflym o Bowys

Llun Owen Davies

Mae ffermwr ifanc o Bowys yn gobeithio cneifio cymaint ag y gallai o ddefaid mewn cyfnod o 24 awr er mwyn codi arian ar gyfer achos da.

Fe fydd Owen Davies, 26, o ardal Llanandras, yn ymgymryd â’r sialens ym mis Mehefin, a’r nod yw codi hyd at £6,000 ar gyfer Ambiwlans Awyr Cymru – achos sy’n agos iawn at ei galon ar ôl i aelod o’r teulu gael damwain ar y fferm y llynedd.

Er nad oes gan Owen Davies darged o ran faint o ddefaid i’w cneifio, mae ymgymryd â’r dasg am gyfnod o 24 awr yn debyg i redeg tri marathon cyfan, meddai.

Mae wedi bod yn hyfforddi ers mis Chwefror, a hynny ar ôl dychwelyd o Awstralia lle bu’n cneifio am gyfnod o dri mis.

Ers hynny mae wedi gorfod mynd allan ar y beic yn gyson, bwyta’n iach ac osgoi yfed alcohol.

“Mae yna lot o newyddion gwael wedi bod am y diwydiant amaeth yn ddiweddar, a dw i’n awyddus i wneud rhywbeth eithaf positif,” meddai Owen Davies wrth golwg360.

“Mae hwn yn rhywbeth i ysgogi pobol i edrych ar ffermwyr a gweld beth maen nhw ei wneud o ddydd i ddydd.”

Bydd yr her yn cael ei gynnal ar Fferm Heartsease, Tref-y-clawdd, ar Fehefin 14.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl