Ymgynghoriad i ddefnyddio adeiladau gwag i daclo prinder tai

Diweddarwyd am  

Adeilad gwag – ymgynghoriad I ddefnyuddio eiddo gwag i daclo’r argyfwng tai fforddiadwy

Llun: Cynulliad Cenedlaethol Cymru

Mae ymgynghoriad yn dechrau heddiw (Dydd Gwener, Ebrill 26) i weld a oes modd taclo’r argyfwng tai mewn cymunedau lleol drwy ddefnyddio adeiladau gwag.

Y Pwyllgor Cydraddoldeb, Llywodraeth Leol a Chymunedau’r Cynulliad Cenedlaethol sydd yn yn cynnal yr ymgynghoriad a bydd arolwg ar wefan y Cynulliad yn caniatáu’r cyhoedd i gyfrannu ati.

Yn ôl amcangyfrif diweddar, mae tua 27,000 o enghreifftiau o adeiladau preifat sydd yn wag ers cyfnod hir, a 1,400 o eiddo gwag sydd gan y sector tai cymdeithasol.

Mae galw wedi bod ers peth amser am ragor o dai fforddiadwy a chynaliadwy o fewn cymunedau yng Nghymru.

“Mater brys”

“Mae’r prinder tai fforddiadwy yn fater brys i lawer o gymunedau erbyn hyn,” meddai John Griffiths AC, Cadeirydd y Pwyllgor Cydraddoldeb, Llywodraeth Leol a Chymunedau.

“Yn y cyfamser, mae miloedd o adeiladau preifat a chyhoeddus yn wag, a chyflwr nifer ohonyn nhw’n dirywio’n ddifrifol.

“Rydym ni am ddarganfod gwir effaith adeiladau gwag ar y cyflenwad o dai fforddiadwy yng Nghymru, ac am ddeall y problemau eraill y maen nhw’n gallu eu hachosi i gymunedau.”

Bwriad y pwyllgor drwy ymgynghoriad yw dysgu mwy am yr heriau sy’n rhwystro awdurdodau lleol rhag mynd i’r afael a’r broblem.

Yn ôl John Griffiths, mae enghreifftiau da lle mae adeiladau gwag wedi cael eu trawsnewid.

“Rydym am glywed am enghreifftiau llwyddiannus lle mae adeiladau gwag wedi cael eu troi’n gartrefi fforddiadwy a chynaliadwy i bobl leol, i weld a oes modd efelychu’r llwyddiannau hynny mewn ardaloedd eraill,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer