“Sioc” Caerdydd tros ddiffyg cymwysterau peilot Emiliano Sala

 
Sgarffiau a blodau wedi cael eu gadael i Emiliano Sala tu allan i Glwb pel-droed Dinas Caerdydd

Sgarffiau a blodau wedi cael eu gadael i Emiliano Sala tu allan i Glwb pel-droed Dinas Caerdydd

Llun: Ben Birchall/PA

Mae Clwb Pêl-droed Caerdydd yn dweud iddyn nhw gael “sioc” o glywed nad oedd gan David Ibbotson, peilot yr awyren a blymiodd i’r ddaear gan ladd Emiliano Sala, yr hawl i hedfan yn y nos.

Mae’r clwb yn dweud bod ganddyn nhw “bryderon dwys” ynghylch y trefniadau ar gyfer y daith.

Bu farw’r Archentwr Emiliano Sala, oedd newydd symud o glwb Nantes yn Llydaw, pan ddaeth yr awyren i lawr tros y Sianel ar Ionawr 21, ddeuddydd ar ôl iddo arwyddo i’r Adar Gleision.

Yn ôl adroddiadau, roedd David Ibbotson yn lliwddall, a bod hynny’n golygu mai trwydded ar gyfer y dydd yn unig oedd ganddo.

‘Pryderus iawn’

“Mae Clwb Pêl-droed wedi cael sioc o glywed ei bod yn bosib nad oedd gan y peilot David Ibbotson yr hawl i hedfan yn y nos,” meddai’r clwb mewn datganiad.

“Mae’r clwb yn parhau’n bryderus iawn fod y peilot, a’r sawl oedd wedi trefnu’r daith, fel pe baen nhw wedi anwybyddu rheolau hedfan yn llwyr ac wedi peryglu bywyd Mr Sala yn y fath fodd.

“Rydym yn credu y dylid dwyn y sawl sydd yn gyfrifol yn llwyr i gyfri am eu gweithredoedd.

“Rydym yn ategu ein cefnogaeth i alwad Cymdeithas y Siarter Awyr am ragor o ymwybyddiaeth a gwell orfodaeth yn erbyn hediadau anghyfreithlon.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019