Troseddau â chyllyll: Heddlu’r De am gael rhagor o bwerau

Diweddarwyd am  

Mae Heddlu’r De ymhlith saith o heddluoedd sy’n derbyn pwerau stopio a chwilio newydd yn y frwydr i geisio lleihau nifer y troseddau â chyllyll.

Fe fydd miloedd yn rhagor o blismyn bellach yn gallu awdurdodi cyrchoedd stopio a chwilio ar ôl i reolau gael eu llacio.

O heddiw (dydd Sul, Mawrth 31) ymlaen, fe fydd plismyn yn y rhengoedd is yn gallu stopio a chwilio am gyfnod penodol os oes disgwyl y gallai digwyddiad treisgar godi.

Yn ôl y pwerau, fe fydd plismyn yn gallu stopio a chwilio pobol neu gerbydau pa un a oes ganddyn nhw resymau da dros gredu y byddan nhw’n dod o hyd i gyllyll ai peidio.

‘Pwerau effeithiol dros ben’

“Mae stopio a chwilio yn bŵer effeithiol dros ben pan ddaw i darfu ar dorcyfraith, cymryd arfau oddi ar ein strydoedd a’n cadw ni’n ddiogel,” meddai Sajid Javid, yr Ysgrifennydd Cartref.

“Dyna pam ein bod ni’n ei gwneud yn fwy syml i heddluoedd mewn ardaloedd sydd wedi’u heffeithio’n benodol gan drais difrifol i ddefnyddio Adran 60 a chynyddu nifer y plismyn all awdurdodi’r pwerau.”

Fe fydd Theresa May yn arwain uwchgynhadledd ar droseddau’r ifanc ddydd Llun (Ebrill 1).

“Fel cymdeithas gyfan, mae hefyd angen i ni edrych yn ofalus ar yr hyn sydd wrth wraidd y troseddau hyn fel y gallwn ni ymyrryd yn gynharach ac atal pobol ifanc rhag cael eu tynnu i mewn i drais yn y lle cyntaf,” meddai.

Fe fu’r pwerau dan y lach ers tro am fod ymdeimlad eu bod yn targedu pobol groenddu yn annheg.

Bydd y pwerau newydd hefyd yn dod i rym yn Llundain, Gorllewin Canolbarth Lloegr, Glannau Mersi, De Swydd Efrog, Gorllewin Swydd Efrog a Manceinion Fawr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones