“Ble mae’r drafodaeth am heddwch Ewrop?” – Cymdeithas y Cymod

Diweddarwyd am  

Mae ymgyrchwyr heddwch yng Nghymru yn galw ar wleidyddion i sicrhau bod “pwrpas gwreiddiol” yr Undeb Ewropeaidd yn cael ei ystyried yn y trafodaethau Brexit.

Yn ôl Cymdeithas y Cymod a CND Cymru, mae ganddyn nhw “bryder” ynghylch penderfyniad yr Unol Daleithiau a Rwsia i dynnu’n ôl o gytundeb arfau niwclear yr INF.

Ar wahân i “oblygiadau moesol” datganiadau’r ddwy wlad, medden nhw, mae’r “goblygiadau moesol” yn ofid hefyd, gan “beryglu holl wledydd Ewrop, gan gynnwys Cymru a gweddill y Deyrnas Gyfunol”.

“Atal rhyfeloedd gwaedlyd rhwng gwledydd”

“Clywsom sôn diddiwedd am sgil-effeithiau posib Brexit ar bob math o ddiwydiannau, yr economi, yr amgylchfyd ac addysg, ond ble mae’r drafodaeth am heddwch gwledydd Ewrop?” meddai Mererid Hopwood, Cadeirydd Cymdeithas y Cymod.

“Pwrpas gwreiddiol a chanolog yr Undeb Ewropeaidd oedd ac yw atal rhyfeloedd gwaedlyd rhwng gwledydd.”

Ychwanega Jill Evans, Cadeirydd CND Cymru, fod y cytundeb INF wedi arwain tuag at wahardd “dros 2,000” o daflegrau pellter byr a chanolig o Ewrop.

“Mae diwedd y cytundeb yn peri perygl go iawn i ddiogelwch byd-eang,” meddai. “Dydyn ni methu gadael i Ewrop i ddychwelyd nôl i fod yn faes brwydr rhwng yr Unol Daleithiau a Rwsia.

“Rydyn ni eisiau Ewrop sy’n rhydd o arfau niwclear.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl