Cynnal cynhadledd ryngwladol ar droniau yn Wrecsam

Diweddarwyd am  

Drôn

Llun parth cyhoeddus

Mae Cyfoeth Naturiol Cymru yn bwriadu cynnal cynhadledd ryngwladol yn ymwneud â droniau.

Bydd y digwyddiad ym Mhrifysgol Glyndŵr Wrecsam yn cynnwys arbenigwyr o wledydd Prydain, Iwerddon ac Ewrop, a’r nod yw trafod sut y gall technoleg drôns ddiogelu a chyfoethogi’r amgylchedd.

Yn ôl Cyfoeth Naturiol Cymru, mae asiantaethau amgylcheddol yn defnyddio droniau “fwyfwy” erbyn hyn, a hynny er mwyn helpu i reoli digwyddiadau, taclo troseddau gwastraff, archwilio asedau a monitro’r amgylchedd.

Yn ystod y gynhadledd ei hun, bydd modd gweld drôns ar waith pan fydd timau o’r asiantaethau a’r prifysgolion yn eu harddangos yn ysgol droniau Prifysgol Glyndŵr Wrecsam yn Llaneurgain.

“Bydd y gynhadledd, y gyntaf o’i math yng Nghymru, yn cynnig cyfle i ystyried y modd y defnyddir drôns ar hyn o bryd, rhannu syniadau a phrofiadau, datblygu canolfan gyfathrebu a datblygu ffyrdd newydd o gyflwyno dysgu integredig,” meddai Martin Davies, arweinydd rhaglen dronau Cyfoeth Naturiol Cymru.

Mae’r gynhadledd yn cael ei chynnal ddydd Mawrth a dydd Mercher yr wythnos hon (Ionawr 29 a 30).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl