Y Tinder Cymraeg – “mae’r ap fel baban i mi”

Diweddarwyd am  

Ap detio yn yr iaith Gymraeg

Llun: Arfon Williams

Mae sefydlydd yr ap sy’n cael ei alw y ‘Tinder Cymraeg’ wedi addo dal ati i geisio dod â chariadon ynghyd, er gwaetha’r gost iddo.

Trwy ap ‘Canlyn’ y mae Cymry Cymraeg yn medru pori trwy luniau o bobol sengl eraill, a cheisio dod o hyd i gariad ar y we.

Hyd yma mae’r ap wedi bod yn rhad ac am ddim, ond ar Ionawr 17 mi gyhoeddodd ei sefydlydd, Arfon Williams, bod yn rhaid iddo ddechrau codi tâl.

Mae’n esbonio bod Canlyn yn “gwneud yn iawn” ond ei fod yn gorfod talu £174 y mis – o boced ei hun – er mwyn cadw’r ap i fynd.

Dyw’r sefydlydd ddim yn bwriadu gwneud elw o’r drefn newydd, ac mae’n mynnu na fydd yn cefnu ar y prosiect.

“Dw i yn angerddol am yr iaith Gymraeg,” meddai wrth golwg360. “Dw i’n credu ei fod yn bwysig iawn bod gennym dating app iaith Gymraeg, jest fel unrhyw wlad arall.

“Beth sy’n cadw fi fynd yw’r ffordd ges i fy magu. Es i i ysgol Cymraeg – Ysgol Glan Clwyd – ac mae diwylliant Cymraeg yn fy ngwaed. A dw i’n angerddol tros gadw hwn i fynd.

“Mae’n costio ffortiwn, ond dw i ddim yn poeni! Dw i wedi ymddeol, ond dw i’n gweithio’n llawn amser. Dydw i ddim yn chwarae golff. Does gen i ddim hobïau eraill. Mae’r ap fel baban i mi.”

Anelu at filoedd

Bydd yn rhaid talu £2.99 y flwyddyn er mwyn defnyddio’r ap, a bydd modd i ddefnyddwyr newydd roi cynnig arni am wythnos heb dalu.

Erbyn hyn mae bron i 600 o bobol wedi lawr lwytho Canlyn, ac mae Arfon Williams yn gobeithio denu o 10,000 o bobol cyn 2025.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019