Cynnydd bach mewn diweithdra yng Nghymru

Diweddarwyd am  
Llun pen ac ysgwydd ar gefndir gwyn

Alun Cairns

Llun: Ceidwadwyr Cymru

Mae’r ffigyrau swyddogol diweddaraf yn dangos bod 62,000 (3.9%) o bobol yng Nghymru yn ddi-waith.

Bu cynnydd o 3,000 ers y chwarter blaenorol rhwng misoedd Mehefin ac Awst.

Y ffigwr ar gyfartaledd ar gyfer y di-waith yng ngwledydd Prydain yw 4%, tra bo’r nifer o bobol sydd mewn gwaith wedi cynyddu 141,000 i 32.5m yn ystod y tri mis yn arwain at fis Tachwedd.

Ymhlith y rhesymau tros y cynnydd yn nifer y bobol sydd mewn gwaith neu’n ddi-waith, yn ôl arbenigwyr, yw twf ym mhoblogaeth gwledydd Prydain.

Mae llai o bobol hefyd yn cael eu hystyried yn anweithredol yn economaidd, sef naill ai ar gyfnod o salwch, yn fyfyrwyr  neu wedi rhoi’r gorau i chwilio am swyddi.

“Ardderchog”

Dywedodd Ysgrifennydd Gwladol Cymru Alun Cairns bod cyfradd cyflogaeth Cymru yn cyfateb â ffigur y Deyrnas Unedig am y tro cyntaf ers i gofnodion ddechrau:  “Unwaith eto mae Cymru wedi cynhyrchu set ardderchog o ffigurau cyflogaeth, yn gosod record newydd sbon o dros 1.5 miliwn o bobl mewn gwaith.

“Mae hyn yn dyst i waith Llywodraeth y DU i greu amgylchedd i ddenu mewnfuddsoddiad, tyfu busnesau a darparu cyflogaeth gynaliadwy.

“Ein huchelgais yw gweld pob rhan o’r DU yn ffynnu.

“Mae’r ffigurau hyn yn dangos tuedd positif yn uchelgais economi Cymru ac rwy’n gobeithio y bydd yn parhau dros y misoedd a’r blynyddoedd i ddod.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones