Cyhoeddi enw dynes fu farw mewn gwthdrawiad yn Ynys Môn

Diweddarwyd am  
Rebecca Oxlade

Rebecca Oxlade

Llun y teulu drwy law’r heddlu

Mae teyrngedau wedi’u rhoi i ddynes 22 oed fu farw yn dilyn gwrthdrawiad yn Ynys Môn.

Roedd Rebecca Chloe Oxlade yn byw yn Nhrearddur ond yn dod o Bromley, Caint yn wreiddiol.

Fe ddigwyddodd y gwrthdrawiad rhwng ei char Renault Capture lliw oren a Vauxhall Corsa toc cyn 12.30yp ddydd Iau (Ionawr 17).

Mae’r heddlu’n apelio am wybodaeth.

Teyrnged gan ei phartner

“Becca oedd y person mwyaf hyfryd, caredig a chariadus y byddech chi byth yn cyfarfod â hi,” meddai ei phartner Jordan Abrahams wrth dalu teyrnged iddi.

“Mi wnaeth hi fi yr hapusaf rwy’ wedi bod erioed. Roedd hi’n golygu popeth i fi. Hi oedd fy myd, fy mherson.

“Roedd Becca yn ddoniol ac nid yn unig y byddai hi’n goleuo’r ystafell, ond bywydau pobol hefyd.”

‘Y byd wedi pylu hebddi’

“Rydym yn torri ein calonnau o golli’r ddynes ifanc ddoniol, hardd, anhygoel yr oedden ni’n falch o’i galw’n ferch i ni,” meddai ei rhieni, Jacqui a Gary.

“Roedd Becca yn rhywun oedd yn teimlo popeth yn ddwys, roedd hi’n caru ac yn cael ei charu fel ei gilydd.

“Byddai hi’n goleuo ystafell wrth gerdded i mewn iddi, a bydd y byd yn pylu hebddi.”

Ychwanegodd ei rhieni y byddai ei theulu oll yn gweld ei heisiau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones