Protestio ledled Cymru tros ddiffyg Cymraeg ar drenau

Diweddarwyd am  
Protest Cymdeithas yr Iaith o flaen swyddfa Gweinidog y Gymraeg yn Brynmawr

Protestwyr, a biniau, yn rhwystro mynediad i swyddfa’r Gweinidog

Llun: Cymdeithas yr Iaith Gymraeg

Bydd ymgyrchwyr iaith ledled y wlad yn cynnal cyfres o bicedi tros y penwythnos, fel protest yn erbyn Trafnidiaeth Cymru.

Enw masnachol yw ‘Trafnidiaeth Cymru’ ar gyfer y cwmni trenau sy’n cael ei weithredu gan KeolisAmey Cymru, a nhw sy’n gyfrifol am wasanaethau o fewn Cymru.

Yn ôl Cymdeithas yr Iaith, dyw’r cwmni ddim hyd yn oed yn darparu “gwasanaeth sylfaenol” yn y Gymraeg, a bydd y protestiadau’n cael eu cynnal fel ymateb i hynny.

Bydd picedi yn cael eu cynnal yng ngorsafoedd Caerdydd Canolog, Abertawe, Caerfyrddin, Aberystwyth, Machynlleth a Bangor; ar ddydd Sadwrn (Ionawr 12).

A daw’r brotest ddiweddaraf yn sgil protest debyg yng Nghaerdydd cyn y Nadolig.

“Hollol sylfaenol”

“Pan yr ydych yn sefydlu corff neu gwmni newydd fel hyn, buasech yn meddwl ei fod yn gyfle da i wneud pethau’n iawn o’r dechrau,” meddai Cadeirydd Cymdeithas yr Iaith, Osian Rhys, wrth golwg360.

“Ond yn amlwg dydyn nhw ddim wedi rhoi ystyriaeth i’r Gymraeg o ddifri. Does dim cyhoeddiadau yn Gymraeg ar y trenau, mae [yna ddiffyg Cymraeg] ar rannau o’r wefan, a dyw’r ap ddim ar gael yn Gymraeg.

“Pethau hollol sylfaenol ydyn nhw yn y bôn. A phethau ddylwn ni beidio gorfod protestio amdanyn nhw’r dyddiau yma, mewn gwirionedd.”

Camau nesaf

Bydd ymgyrchwyr yn cwrdd â Chomisiynydd y Gymraeg ar dydd Gwener (Ionawr 11), ac maen nhw eisoes wedi cysylltu â hi tros y mater, medden nhw.

Mae Cymdeithas yr Iaith yn dweud eu bod wedi gofyn am gwrdd â rheolwyr Trafnidiaeth Cymru, a byddan nhw’n cwrdd â nhw nes ymlaen yn y mis.

Mae golwg360 wedi gofyn i Drafnidiaeth Cymru am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl