Bathdy Brenhinol wedi gwrthod coffau Roald Dahl “gwrth-Semitig”

Diweddarwyd  

Roald Dahl

Llun: Comin Wicimedia

Mae’r Bathdy Brenhinol wedi gwrthod cynhyrchu darn arian arbennig i ddathlu bywyd a gwaith Roald Dahl – a hynny oherwydd ei fod yn arddel agweddau gwrth-Semitig.

Mae cofnodion wedi dod i’r fei o drafodaethau a gynhaliwyd tua 2014, ynglyn â nodi canmlwyddiant geni’r awdur yn Llandaf, Caerdydd yn 1916. Mewnfudwyr o Norwy oedd ei rieni.

Mae’r cofnodion yn dangos yn glir fod yna wrthwynebiad i greu darn arian – er bod y nofelydd wedi gwerthu dros 250 miliwn o gopïau o’i lyfrau ledled y byd, a’i fod yn cael ei restru ymhlith awduron enwocaf Cymru.

Doedd yr awdur ei hun ddim yn gwadu’r cyhuddiad o ddrwglicio’r Iddewon. Mewn cyfweliad i gylchgrawn The New Statesman, fe nododd unwaith ei fod yn credu bod yna “ran fach o’r bersonoliaeth Iddewig sy’n pryfocio ac yn ennyn gelyniaeth… wedi’r cwbwl, wnaeth diawl fel Hitler ddim pigo arnyn nhw am ddim rheswm”.

Yn dilyn ei farwolaeth yn 1990, fe aeth cyfeillion iddo ymhellach, yn honni bod gan Roald Dahl, yntau “ochr dywyll” i’w bersonoliaeth a oedd yn brigo i’r wyneb yn ei lyfrau i blant. Fe nododd ei gyn-wraig ei fod yn “diraddio merched” ac yn wr anffyddlon.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed