Arddangosfa yn cofio’r ‘Welsh Not’

Diweddarwyd am  
Welsh Not yn Storiel

Welsh Not yn Storiel

Llun Cyngor Gwynedd

Mae amgueddfa yn y gogledd yn cynnal arddangosfa o waith dau frawd sy’n trafod yr iaith Gymraeg, hanes ein gwlad a’i gwleidyddiaeth.

 Yn Storiel, Bangor, mae cyfle i weld ffrwyth llafur y cydweithio a fu rhwng y brodyr Peter a Paul Davies, wnaeth ffurfio partneriaeth artistig ‘Beca’ yn 1974.

Ceir y cerflun ‘Welsh Not’ yn Storiel, sef darn o waith gafodd ei gerfio allan o bren trawst rheilffordd gan Paul Davies.

Yn wreiddiol cafodd ei ddangos yn rhan o berfformiad a wnaeth ar faes yr Eisteddfod Genedlaethol Wrecsam ym 1977.

Dyma ddarn o gelf sy’n tynnu sylw at hanes yr ymgais i ddwyn gwarth ar blant am siarad Cymraeg.

Beca

Ffurfiwyd Beca gan y brodyr tua 1974, a enwid fel teyrnged i Derfysgoedd Rebeca (1839-1843). Datblygwyd Beca fel grŵp ar gyfer artistiaid i gael cydweithio, gan herio delweddaeth mewn sawl cyfrwng a wnaeth helpu i osod materion Cymreig fel hunaniaeth, iaith, diwylliant a gwleidyddiaeth ar agenda’r celfyddydau gweledig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed