Dim swyddfa’r post yn nhre’ Llanbed ers difrod Storm Callum

Diweddarwyd am  

Llun: CC0

Mae cynghorydd lleol yn dweud bod colli gwasanaeth swyddfa bost yn Llanbedr Pont Steffan am gyfnod o bron pythefnos wedi bod yn “drafferth” i bobol leol.

Ers i’r hen swyddfa bost yng nghanol y dref gau rai blynyddoedd yn ôl, mae’r gwasanaeth wedi bod yn cael ei redeg o’r siop Co-op lleol.

Ond yn dilyn Storm Callum yn gynharach yn y mis, mae’r archfarchnad wedi bod ynghau oherwydd difrod a gafodd ei achosi gan lifogydd.

Mae dros wythnos ers hynny, ac mae Co-op wedi cadarnhau na fyddan nhw’n ailagor tan ddiwedd yr wythnos (dydd Sadwrn, Hydref 27).

“Bach o golled”

“Wrth gwrs, mae wedi bod yn drafferth, ond doedden nhw [Co-op] ddim wedi gallu gwneud dim byd ambwyti fe,” meddai Elin T Jones, sy’n aelod o’r cyngor tref, wrth golwg360.

“Fe wnes i roi neges mas yn dweud os oedd rhywun eisiau help [i gyrraedd swyddfa bost arall] i gysylltu â fi.”

Er bod swyddfeydd post yn Llanybydder a Phentre-bach ger Llanwnnen, mae rhai ar y cyfryngau cymdeithasol yn gresynu nad oes gwasanaeth symudol wedi’i drefnu ar gyfer Llanbed.

“Mae wedi bod yn bach o golled,” meddai Elin T Jones ymhellach. “Mae pobol wedi colli allan o fynd i’r swyddfa bost ac hefyd i fynd i siopa.

“Mae parcio am ddim i lawr yn fan’na, ac mae’n rhaid talu yn Sainsbury’s, felly dyw e ddim wedi rhoi’r dewis i bobol.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed