Datblygwr fflatiau’n adnewyddu cladin ar ôl methu profion

 

Rebecca Evans

Llun: Cynulliad Cenedlaethol Cymru CC 2.0

Fe fydd datblygwyr fflatiau ym Mae Caerdydd yn adnewyddu cladin ar yr adeiladau ar ôl methu profion diogelwch tân.

Mae Bellway wrthi’n adeiladu chwe bloc yn Prospect Place yn y brifddinas, lle bu ffrae tros bwy fyddai’n talu am dynnu’r cladin gwreiddiol.

Y blociau newydd sydd wedi’u heffeithio yw Alderney House, Caldey Island House, Breakwater House, Dovercourt House, Eddystone House a Pendeen House.

Mae Gweinidog Tai Llywodraeth Cymru, Rebecca Evans wedi croesawu’r newyddion sy’n dod ar ôl i’r cwmni tai ddweud eu bod nhw wedi cael caniatâd i ddefnyddio’r cladin ond eu bod yn barod i’w adnewyddu serch hynny.

Mewn llythyr at gwsmeriaid, dywedodd Bellway eu bod yn “ddatblygwyr cyfrifol”, ac y byddai’r gwaith adnewyddu’n dechrau haf nesaf er mwyn “tawelu meddyliau” eu cwsmeriaid.

Mae Llywodraeth Cymru hefyd wedi dweud eu bod yn falch na fydd rhaid i gwsmeriaid dalu am y gwaith.

Mae pryderon am gladin ar adeiladau wedi’u hamlygu yn dilyn y tân yn Nhwr Grenfell yn Llundain y llynedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn