Tafarn gydweithredol hynaf Ewrop yn 30 oed

Diweddarwyd  

Tynnu peint

Llun: CC0

Un o gyfrinachau llwyddiant y dafarn gydweithredol hynaf yn Ewrop yw’r ffaith ei bod wedi “llwyddo i dynnu mwy nag un genhedlaeth i mewn i un weithgaredd lleol,” yn ôl un o’r cyfarwyddwr.

Mae’n 30 mlynedd ers i griw o bobol leol fynd ati i brynu Tafarn y Fic yn Llithfaen, Pen Llŷn, mewn cyfnod pan oedd bragdy mawr o Loegr yn bygwth ei chau.

Mae 12 cyfarwyddwr yn rheoli’r dafarn erbyn hyn, ac yn ôl un ohonyn nhw, roedd y criw gwreiddiol yn 1988 yn “anturus” ac yn “fodlon wynebu sawl her”.

“Roeddan nhw wedi rhoi eu bys ar y peth o’r dechra: bod economi yn gallu llwyddo os ydy o mewn dwylo lleol,” meddai Myrddin ap Dafydd wrth golwg360.

“Ac wedyn, wedi llwyddo i wneud yr ardal feddiannu’r dafarn. Ein tafarn ni oedd hi – doedd yna ddim ffasiwn beth â ni a nhw o ran y rhai oedd ar y pwyllgor a’r ardalwyr. Roedd pawb wedi meddiannu’r freuddwyd.”

Denu’r to iau

Mae’r prifardd a’r darpar archdderwydd yn dweud bod erbyn hyn sawl to o bobol leol yn cyfrannu at lwyddiant Y Fic, gyda phob cenhedlaeth wedi “ymestyn” ac ychwanegu at y weledigaeth wreiddiol.

Bellach mae’r dafarn wedi symud o fod yn “dafarn Cymraeg sy’n cynnig adloniant,” meddai, i dafarn sy’n cynnal gwyliau a gweithgareddau cymunedol, fel codi arian at elusennau a chynnig stafelloedd i gorau ymarfer.

“Mae yna tua hanner dwsin o rai ifanc o’r pentref ar y pwyllgor erbyn hyn, a nhw wnaeth ofyn: ‘pryd ydan ni’n cael cyfrannu i’r Fic?

“Mae’r dyhead yna i weithio er mwyn y sefydliad cymunedol fel ydy o, a’r ffaith ei fod wedi llwyddo i ddenu sawl cenhedlaeth o wirfoddolwyr yn allweddol i’w llwyddiant.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed