Gwefan yn awgrymu y gallai hela fod yn lledaenu TB ar ffermydd

Diweddarwyd  

Llun: CC0 trwy www,pixabay.com

Mae sawl fferm yng Nghymru wedi profi achosion o’r diciâu oherwydd eu bod nhw’n caniatau helfeydd ger neu ar eu tir, yn ôl gwefan newyddion.

Mewn erthygl ar y mater, mae gwefan The Canary yn tynnu sylw at sawl helfa yng Nghymru a Lloegr yn cynnwys Sir Fynwy, ac Aberhonddu a Thalybont.

  • Yn achos Helfa Sir Fynwy roedd ganddyn nhw drwydded i hela ar ystâd y Fâl tan ddiwedd 2017, ac ar Fehefin 7 roedd yna achos o TB ar fferm yn ardal y drwydded, meddai’r wefan;
  • Fe gafodd tair fferm eu heffeithio gan TB rai misoedd wedi i Helfa Aberhonddu a Thalybont dderbyn trwydded i hela ar yr un ystâd, yn ôl The Canary wedyn.

Cafodd gwybodaeth o wefan ibTB – sy’n dangos achosion o’r diciâu – a mapiau ardaloedd trwyddedau’r Ymddiriedolaeth Genedlaethol eu cymharu fel rhan o’r dadansoddiad.

Erthygl

Daw’r dadansoddiad mewn erthygl am lythyr a gafodd ei anfon at yr Ymddiriedolaeth Genedlaethol yn pledio arnyn nhw i wrthod pob un cais hela maen nhw’n ei dderbyn.

Mae’r elusen wedi cydnabod bod cŵn hela yn medru cael eu heintio gan TB, ond maen nhw’n dadlau nad ydyn nhw’n peri risg lledaenu yn yr un modd a moch daear.

Mae golwg360 wedi gofyn i Helfa Sir Fynwy a Helfa Aberhonddu a Thalybont am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed